Euskal Hirigune Elkargoko presidenteordeak izendatu dituzte

Kontseilu iraunkorra ere osatu dute. Instantzia bakar bat ere ez da kopuruz parekidea izanen. Lurraldeko ordezkariak hautatu dituzte
Elkargoko biltzarreko kideak Baionako Lauga gelan, atzo.
Elkargoko biltzarreko kideak Baionako Lauga gelan, atzo. GUILLAUME FAUVEAU Tamaina handiagoan ikusi

Oihana Teyseyre Koskarat -

2020ko abuztuak 1

Elkargoko kontseilu exekutiboan parte hartuko duten hamabost lehendakariordeak izendatu zituzten atzo. Renee Carrique izanen da lehen lehendakariordea: Idauze Mendiko (Zuberoa) auzapeza, eta emakume bakarrenetakoa. Parekidetasunik ez du lortu lehendakariordeen taldeak: bost emakume baizik ez dira izanen; herena, alegia. Nabarmentzekoa da joera abertzaleko hiru kide hautatuak izan direla: Bruno Karrere, Antton Kurutxarri eta Daniel Oltzomendi.

Bestalde, kontseilu iraunkorrean parte hartuko duten beste 57 ordezkariak hautatu dituzte —denera 72 izanen dira, lehendakariordeekin batera—. Elkargoa osatzen duten hamar lurraldeetako ordezkariak ere izanen dira bertan. Instantzia horretan ere, emakume gutxi izanen dira: 57 kideetatik 20. Abertzaleek herriko bozetan lortutako emaitzen ondorioz, zenbait auzapez abertzale sartu dira kontseilu iraunkorrera: Eneko Aldana Ziburuko (Lapurdi) auzapeza, Filipe Aramendi Urruñakoa (Lapurdi) eta Alain Iriart Hiriburukoa (Lapurdi), besteak beste.

Guztira, beraz, kontseilu iraunkorreko 72 kideak izendatu zituzten atzo goizean, eta horietatik 25 dira emakumeak. Zenbait hautetsik oposizioak duen leku urria salatu dute. Hala, Colette Capdevielle Baionako oposizioko hautetsiak esan du elkargoaren egitura eta administrazioagatik oposizioak leku gutxi lor dezakeela. Gaineratu du emakumeek arras leku guti dutela: «Emakumea eta oposiziokoa izanik, bi ezintasunak batzen ditut».

Azpimarratzekoa da elkargoak gobernantza ituna aldatu zuela joan den kargualdiaren bukaeran. Ipar Euskal Herriko lurraldeen arteko oreka bermatzeko xedez, lurralde bakoitzeko animatzaile bat izendatu behar izan du lurralde bakoitzak. Kontseilu eragilean parte hartuko dute lehendakariarekin, lehendakariordearekin, eta, kontseilari delegatuekin batera —horiek datorren astean finkatuko dituzte—. Eric Narbaitz Jauregik Amikuzeko lurraldea ordezkatuko du, Eneko Aldanak Hego-Lapurdikoa, Anthony Bleuzek Euskal Kosta-Aturrikoa, Muriel Houetek Bidaxunekoa, Peio Etxelekuk Errobikoa, Gilbert Ozafrainek Garazi-Baigorrikoa, Arño Gaztanbidek Hazparnekoa, Xavier Lacostek Iholdi-Oztibarrekoa, Alain Iriartek Errobi-Aturrikoa, eta Jean-Marc Barantholek Zuberoakoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna