Albistea entzun

Espainiako Gorteetarako hauteskundeak. Biharamuna

Jaurlaritzak adierazi du hautesleek onetsi egin dutela haren jarduna

Nafarroako Gobernuak «kezkaz» ikusten du PSOEren eta C's-en artean ituna egiteko aukera. Arnaldo Otegik «irtenbide politikoak» eskatu dizkio PSOEri EH Bilduren eta ERCren babesaren truke
Erkoreka Jaurlaritzako eleduna, artxiboko argazki batean.
Erkoreka Jaurlaritzako eleduna, artxiboko argazki batean. JON RODRIGUEZ BILBAO / EFE Tamaina handiagoan ikusi

Gotzon Hermosilla -

2019ko maiatzak 1

Espainiako Gorteetarako hauteskundeak zeresan ugari ematen ari dira oraindik ere, eta eragile politikoak hasiak dira euren jarrerak eta ikuspegiak finkatzen. Esaterako, Eusko Jaurlaritzak, Josu Erkoreka bere bozeramailearen bitartez, adierazi du hauteskundeetako emaitzak «sostengua» direla bere jarduerarako. «Jaurlaritza osatzen duten alderdiak indartuta atera dira hauteskundeetatik», azaldu du Erkorekak, «eta horrek esan nahi du herritarrek onetsi egiten dutela haren lana».

Oposizioko indarrak dira, Jaurlaritzaren ustetan, emaitzen argitara jarduera zuzendu beharko luketenak. «Erabaki behar dute ea jarraituko duten indarrak batzen Jaurlaritzaren jarduera oztopatzeko asmo bakarrarekin, edo nahiago duten elkarrizketa eta lankidetza jarrera eraikitzaileago bat hartzea», esan du Erkorekak

EAJk eta PSE-EEk hauteskundeetan gora egin izanak «are argiago» utzi du ez dela beharrezkoa Eusko Legebiltzarrerako bozak aurreratzea, Erkorekak esan duenez. Jaurlaritzak aurrekontuak aurrera ateratzeko izandako zailtasunak direla eta, azken asteetan ibili da zurrumurrua Iñigo Urkullu lehendakariak Arabako, Bizkaiko eta Gipuzkoako hauteskundeak aurreratuko ote zituen. «Eztabaida hori ez dago mahai gainean, eta orain, emaitzak ikusita, inoiz baino gutxiago», esan du Erkorekak.

Nafarroako Gobernua ere mintzatu da hauteskundeen emaitzez. Gobernuko bozeramaile Maria Solanak PSOE eta Pedro Sanchez zoriondu ditu lortu dituzten emaitzengatik, baina kezka azaldu du PSOEk gobernua osatzeko egin dezakeen itunaren inguruan. Ciudadanos alderdiarekin hitzartzea da aukeretako bat, eta «foruaren aurkaririk handienarekin ituna egiteko tentazio hutsa edukitzea arduratzeko modukoa» da, haren esanetan.

PSOEk bakarka nahiago

Espainiako Gobernuko bozeramaile Isabel Zelaak berretsi du azken orduetan indarra hartu duen hipotesia: «bakarka» gobernatzeko hautua hobetsiko dute, uste dutelako 123 diputatuko taldea «nahikoa» izan daitekeela horretarako, betiere unean uneko sostengua bilatuz gainerako taldeetan.

Beste eragile politiko batzuk ere mintzatu dira hauteskundeen ostekoaz. PSE-EEko idazkari nagusi Idoia Mendiak bat egin du Zelaak eta beste zenbait buruzagi sozialistak adierazitakoarekin, eta esan du Sanchez gai izan daitekeela gobernua eratzeko 123 diputaturen babesarekin. «Agenda sozialeko gai askori buelta emateko gauza izan zen 84 diputatu zituela», adierazi du.

EH Bilduko koordinatzaile nagusi Arnaldo Otegik esan du koalizioak eta ERCk «jarrera berdina» izango dutela Sanchezen inbestiduraren aurrean, eta hori egongo dela Sanchezek egiten duen hautuaren baitan: «Guk eskatuko diogu arazo politikoei irtenbide politikoak emateko, presoen auziari heltzeko eta ezkerreko politikak egiteko», esan du.

Santos Cerdan PSNko diputatuak, berriz, esan du «pozik» jasoko luketela EH Bildu eta ERCren babesa, baina ohartarazi du «muga» Espainiako Konstituzioa dela, eta ez dutela autodeterminazioa edo independentzia babestuko. EAJrekin eta Unidas Podemosekin akordioak egiteko prest ere azaldu da, baina «zailago» ikusten du C's-en aukera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bizkaiko Batzar Nagusietan Usansoloren desanexioa bozkatu zen momentuan ©Marisol Ramirez/ FOKU

Galdakaoko Udalak demandatu gisa aurkeztea erabaki du Usansoloko auzian

Berria

Bizkaiko Batzar Nagusiek lurraldeko 113. udal gisa onartu zuten Usansolo, galdeketaren ostean, eta estatuko abokatutzak helegitea aurkeztu zuen. Galdakaoko Udalak demandatu gisa aurkeztea erabaki du, prozesu honetan egindako bidea defendatzeko.

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.