Blanco oroimenean

Ermuko PPko zinegotzi ohiaren aldeko ekitaldi bat egin dute, ETAk hura hil ondoko 22. urteurrenean. Udal talde denetako ordezkariak izan dira
Ordezkari instituzionalak atzo, Ermuan, Miguel Angel Blanco zenaren aldeko omenaldian.
Ordezkari instituzionalak atzo, Ermuan, Miguel Angel Blanco zenaren aldeko omenaldian. LUIS TEJIDO / EFE Tamaina handiagoan ikusi

Erredakzioa -

2019ko uztailak 12

Miguel Angel Blanco PPko zinegotzi zena oroitu zuten atzo Ermuan (Bizkaia), ETAk hil zueneko 22. urteurrenean. ETAk bahitu egin zuen 1997ko uztailaren 10ean, eta, hura askatzearen truke, euskal presoak Euskal Herriratzeko exijitu zion Espainiako Gobernuari. Hark entzungor egin zion eskaerari, eta, bi egunera, talde armatuak hil egin zuen Blanco, tiroz, Lasarte-Orian (Gipuzkoa). Ekitaldi bat eta lore eskaintza egin dituzte Ermuan, haren oroimenez eraikitako monolitoan. Bertan izan dira, besteak beste, udal talde guztietako ordezkariak —haien artean zen EH Bildukoa—, Jesus Loza Espainiako Gobernuaren EAEko ordezkaria, Monica Hernando Jaurlaritzako Biktima eta Giza Eskubideen zuzendaria, eta Fernando Buesa PSE-EEko buruzagi ohiaren alaba bat —ETAk hil zuen Buesa 2000n, Gasteizen—. Udalak Sotero Mazo ile apaintzailea ere omendu du —ETAk hil zuen, 1980an—.

Juan Carlos Abascal (PSE-EE) Ermuko alkateak adierazi duenez, ekitaldiaren helburua ETAren bi biktimen senideei eta lagunei elkartasuna adieraztea izan da, eta, hala, «haien mina pixka bat arintzea». Abascalek esan du ETAk «krudelkeria adierazezin eta harrigarriarekin» hil zuela Blanco, baina talde armatuak ez zituela bere helburu «totalitarioak» lortu, ezta Ermuko herriaren «duintasuna» apaltzea ere.

Alkateak indarkeriaren erabilera gaitzetsi beharra nabarmendu du. Haren esanetan, «zoritxarrez», pertsona eta talde batzuek «indarkeria justifikatzen segitzen dute, ustezko gatazka baten erantzun logiko modura». Uste du euskal presoak «heroi gisa» hartzen dituztela espetxetik irteten direnean, «omenaldietan». Abascalek ezinbestekotzat jo du iragana oroitzea eta «historia berriro errepika dadin» eragoztea.

PPren omenaldia, gaur

PPk gaur omenduko du Blanco, Ermuan bertan. Amaya Fernandez EAEko PPko presidentearen ustez, bere alderdiko kidearen hilketak aldaketa handia eragin zuen herritarren kontzientzian eta «terrorismoaren bukaerari aurre egiteko moduan».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Maddalen Iriarte EH Bilduko bozeramailea, Eusko Legebiltzarrean, joan den irailean. ©Raul Bogajo / FOKU

EH Bilduk osoko zuzenketa aurkeztuko die Jaurlaritzaren aurrekontuei

Maddi Ane Txoperena Iribarren

Maddalen Iriarte bozeramaileak salatu du EAJk «uko» egin diola EH Bildurekin hitz egiteari, eta gizarteari bizkarra eman diola, hala: «EAJk euskal gizarteari egiten dio kalte, bere beharrei, eta egoera ezohiko honetako ezohiko beharrei».

Oibarko maisu Gabriel Valentin ikasleei eskola ematen, 1927an. Frankistek hil zuten. ©'Militancia y represión'

Irakaskuntzaren enborra errotik moztu zutenekoa

Edurne Elizondo - Nafarroako Hitza

Nafarroako Gobernuak bertze urrats bat egin du errepresio frankista sufritu zuten maisu-maistren memoria jorratzeko: 'Militancia y represion. La Federación Española de Trabajadores de la Enseñanza (FETE) en Navarra, 1931-1936' argitaratu du. Irakasleen aurkako garbiketa prozesua aztertu du liburuak.

Garikoitz Mujika EH Bilduko zuzendari nagusia, bigarren kongresua aurkezten. ©EH Bildu
 ©JAGOBA MANTEROLA / @FOKU

Bultzaka, eror dadin

Ion Orzaiz

Sortuk deituta, milaka lagun batu dira Iruñean, Espainiako koroaren aurkako protestan. Elkartasuna adierazi diete urriaren 12ko auzipetuei

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna