Albistea entzun

Euroeskualdeak aurten 1,2 milioi bideratuko ditu proiektuetara

Mugaz gaindiko proiektuak bultzatzeko dirua %20 handituko du. Lankidetzaren garrantziaz jardun dute Barkosek, Roussetek eta Urkulluk
Alain Rousset, Uxue Barkos eta Iñigo Urkullu, atzo, mahaiaren buruan.
Alain Rousset, Uxue Barkos eta Iñigo Urkullu, atzo, mahaiaren buruan. BERRIA Tamaina handiagoan ikusi

Joxerra Senar -

2019ko martxoak 23

Europa egonezin iturri da. Brexit-arekin azkenik zer gertatuko den ez dago jakiterik, eta datozen maiatzeko hauteskundeetan eskuin muturreko alderdiek gora egin dezakete. «Utz diezaiogun geure herritarrei Europa gaizki doala esateari», aldarrikatu zuen atzo Alain Roussetek, mehatxuen aurrean. Akitania Berriko presidenteak, Uxue Barkos Nafarroako Gobernuko lehendakariak eta Iñigo Urkullu Eusko Jaurlaritzako lehendakariak hiru lurraldeen arteko euroeskualdearen garrantzia azpimarratu zuten, atzo. Iruñean batzartu ziren, eta, besteak beste, mugaz gaindiko proiektuak sustatzeko aurrekontua %20 handitzea onetsi zuten: 1,2 milioi euro jarriko dituzte, guztira.

Batzarra amaitu ondotik, komunikabideen aurrean, hiru gobernuetako goi karguek argazki instituzionala egin zuten, Nafarroako jauregiko tronuen aretoan. Areto erdian, Nafarroako armarria duten bi besaulki nabarmentzen dira eta, antza, Espainiako erregeak eseri ohi dira soilik. Argazki saioa amaituta, protokoloa hautsiz, Rousset besaulki horietako batean eseri zen, eta Barkosek irribarrez esan zion ezin zuela.

Ondorengo prentsaurrekoan, euroeskualdearen garrantzia azpimarratu zuten hiru agintariek. «Hirurok sinetsita gaude euroeskualdearen beharraz. Etorkizunera begira, balioko du erakargarria izateko, zerbait sendoa eraikitzeko eta, batez ere, Europako beste erakunde batzuen ezintasunaren aurrean erronkei aurre egiteko. Auzia ez da zein den euroeskualdearen etorkizuna, baizik eta zer rol jokatuko duen», adierazi zuen Barkosek.

Iñigo Urkulluk azpimarratu zuen EBren proiektua «behetik gora» eraiki beharra dagoela, eta horretarako funtsezkoa dela herritarrek euren egunerokoan eragin ona nabaritzea eta, batik bat, parte hartzea: «Estatuek osatutako klub bat ez, baizik eta Europako herritarren artean partekatutako proiektu bat izan beharko luke, eta, horretarako, eurek exijitatutako eskaerei erantzuna eman behar diete erakundeek eurek». Horregatik, Urkulluk uste du «ona» dela herritarrengandik gertuagoko euroeskualdeen egiturak izatea.

Roussetek gaineratu zuen Europaren inguruan ezkortasuna hedatzeari utzi beharko lioketela, eta nabarmendu euroeskualdeak bultzatutako proiektuak «Europari esker» izango direla.

Berez, euroeskualdeak aurten 3,5 milioi euroko aurrekontua izango du, eta horietatik 1,2 milioi mugaz gaindiko proiektuak finantzatzeko baliatuko dira. Diru horrekin, guztira, hiru lurraldeetako 30 proiektu inguru bultzatzen dituzte. Horrez gain, beste hiru proiektuk Europako finantzaketa jasotzen dute: bata, mugikortasunari buruzkoa; bestea, eleaniztasun eta irakasleen garapenari buruzkoa; eta hirugarrena, enpleguaren ingurukoa. Halaber, ikasleentzako bekak ere sustatzen ditu euroeskualdeak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Torturaren kontrako manifestazioaren burua Espainiako polizien aurretik igarotzen, atzo, Iruñean, Nafarroako Torturatuen Sareak antolatutako protestan. ©JAGOBA MANTEROLA / FOKU

«Tortura aitortzeko garaia da»

Iker Tubia

Nafarroan mila lagun torturatu dituztela salatu, eta haientzat aitortza, ordaina eta berriz ez gertatzeko bermea eskatu dute ehunka lagunek Iruñean. Ikerketa ofizial bat egiteko galdegin diote erakundeei

 ©JON URBE / FOKU

«Alderdi denek ikertzeko eskatu dute, eta orain ezin da beste aldera begiratu»

Joxerra Senar

Alberto Perote eta Pedro Gomez Nietoren arteko elkarrizketaren berri aurretik bazuen Idoia Zabalzak, baina entzutea diferentea dela azaldu du: «Gogorra da entzutea zer-nolako naturaltasunez mintzo diren».
Julian Grimauri egindako omenaldia, lurperatuta dagoen hilerrian, Madrilen. Haren hilketaren ostean jarri zuten TOP abian. ©KOTE RODRIGO / EFE

Salbuespenaren salbuespena

Gotzon Hermosilla

TOP Ordena Publikoaren Auzitegiaren jarduerari buruzko ikerketa bat argitaratu du Juan Jose del Aguilak. Auzitegi frankistak gogor jo zuen euskal herritarren kontra: 13 urtean 1.826 epaitu zituen

Euskal presoen alde urtarrilean Bilbon egindako protesta. ©OSCAR MATXIN / FOKU

Bi euskal preso hurbilduko dituzte, eta hiru Euskal Herriratu

Maddi Ane Txoperena Iribarren

Asier Karrera, Mikel San Argimiro eta Aitor Esnaola ekarriko dituzte Euskal Herrira. Gorka Martinez, El Duesora; Josu Ordoñez, Topasera

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.