Albistea entzun

EAEko Auzitegi Nagusiak ez du debekatuko Arrasateko martxa

«Liskarrak saihesteko» deia egin du Olanok. Eusko Jaurlaritzak deialdi guztiak aztertuko ditu

Larunbateko mobilizaziora deitzeko Arrasaten egindako agerraldia, joan den uztailean.
Larunbateko mobilizaziora deitzeko Arrasaten egindako agerraldia, joan den uztailean. JAIZKI FONTANEDA / FOKU Tamaina handiagoan ikusi

Maddi Ane Txoperena Iribarren -

2021eko irailak 16

EAEko Auzitegi Nagusiak eman du azken hitza, oraingoz: haren arabera, ezin zaio jarri helegiterik larunbaterako euskal presoen eskubideen alde Arrasaten (Gipuzkoa) antolaturiko protestari, halako mobilizazioak soilik komunikatu egin behar baitira, eta ez baimendu. Beraz, adierazi du ez duela debekatuko martxa.

Analisia. Maddi Ane Txoperena Iribarren: Galga «bigarren faseari»?

Jupol Espainiako Poliziaren sindikatu nagusiak eta Jucil Guardia Zibilaren elkarteak jarritako helegite bati erantzunez eman du erabakia, eta bi taldeek gogor salatu dute auzitegiaren autoa. «Kezka» agertu dute, halaber, haien ustez auzitegiak «saihestu» egin duelako martxa debekatzeari buruz iritzia ematea. Adierazi dute «errespetatzen» dutela ebazpena, baina ez dutela harekin «bat egiten»: «Ez du kontuan hartu ETAk eraildakoen tragedia eta familien mina, zeinek ikusi beharko baitute nola indarkeriaren eta terrorearen jarraitzaileek zuzenbide estatuarekiko amorrua eszenifikatzen duten elkarretaratze miserable batean».

Markel Olano Gipuzkoako ahaldun nagusiak eskatu du «liskarra saihestu» dadila Arrasateko ekitaldietan. Izan ere, Sarek antolaturiko protesta ez da mobilizazio bakarra: PPk eta Voxek ere jakinarazi dute Gipuzkoako herrian izanen direla egun horretan. PPk ekitaldi bat antolatu du egun bererako, «terrorismoaren biktimei» zuzenduta, eta Voxeko Santiago Abascalek herrira agertzeko asmoa erakutsi du. Josu Erkoreka Eusko Jaurlaritzako Segurtasun sailburuak adierazi du dauden deialdi guztiak aztertuko dituela, eta, «beharrezkoa balitz», «argibideak» emanen dituela «talka bortitzak eragozteko».

Olanok atzo Onda Vasca irratian adierazi zuenez, haren ustez «legitimoa» da Sarek 7/2003 legearen eta zigor luzeen aurkako protesta bat antolatu izana, baina «akats larria» iruditzen zaio non eta nola antolatu den. Haren hitzetan, izan ere, «Arrasaten egiteak Parotekin lotzen» du ekitaldia, eta «kolpe handia» eragiten die horrek «terrorismoaren biktima askori», sortzen duen «identifikazioagatik».

EAJkoak Espainiako eskuinaren jokamoldea ere salatu du, haren iritziz «terrorismoaren biktima askok behin eta berriro» salatu baitute «onura partikularretarako erabiltzen» dituztela. Olanoren hitzetan, helburu politiko horiekin eskuinak «gizarte zatiketa» sortzen du, eta «ernegu handiagoa». Ernegu hori alde batera uzteko deia egin du, «testuinguru horretan gehien sufritzen dutenak biktimak» direlakoan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri abokatu, politikari, dantzari eta euskaltzale abertzalea, Miarritzen. ©DANIEL VELEZ

Abertzaleen ibilbidean erreferente

Jone Arruabarrena Ekhi Erremundegi Beloki Iñaki Etxeleku

Jakes Abeberri hil da, 92 urte zituela. Enbata mugimenduaren sortzaileetako bat izan zen, eta izen bereko aldizkariaren zuzendari. Astelehenean omenduko dute, Miarritzeko elizan

Euskal kulturaren «pizkundearen sortzailetzat» jo dute Abeberri

Ainize Madariaga

Euskal Dantzarien Biltzarreko presidente izan zen. Abeberrik dantza profesionalizatzearen alde eginiko lana nabarmendu du Filgi Claveriek

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Foro Sozialak gonbidatuta, «Memorien elkarrizketa» proiektuan parte hartu duten boluntarioak, Nafarroako Parlamentuan. ©Iñigo Uriz / FOKU

Foro Sozialak 'Memorien elkarrizketa' proiektua aurkeztu du Nafarroako Parlamentuan

Ion Orzaiz

Indarkeriaz gogoeta egin eta «elkarrizketarako espazioak» sortzeko beharra aipatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.