Albistea entzun

ANALISIA

Galga «bigarren faseari»?

Maddi Ane Txoperena Iribarren -

2021eko irailak 16

Zalaparta sortu da Arrasaten; edo sortu dute, Madrilen, Arrasatera begira. Zalaparta, bertze behin, ETAko kide izatea leporatuta kartzelan dagoen preso bati eginen dioten ustezko gorazarreagatik. Ongietorriengatik sortu izan da harrabotsa azkenaldian: zigorrak beteta kalera ateratzen direnean presoei egiten dizkieten harrerengatik. Eta bero dago horretan ere giroa: Fernando Grande Marlaska Espainiako Barne ministroak herenegun berretsi zuen horiek debekatzeko lege bat martxan dutela.

Ezberdina da Arrasatekoa, ordea, Espainiako eskuinak espetxean 31 urte daramatzan euskal preso baten eskubideak aldarrikatzeari deitu baitio omenaldia. Sarek errana du ez dela hala: 7/2003 legea gaitzesteko dela larunbatean Arrasaten deiturikoa. Joseba Azkarraga euskal presoen eskubideen aldeko mugimenduko bozeramaileak berak astelehenean azaldu zuen deialdian Unai Parot euskal presoaren izena jarri badute hura ere lege horren arabera kondenatua dagoelako dela, eta senideak herri horretan dituelako: «Hori bera egin dezakegu beste uneren batean, eta ez dugu baztertzen egitea, adibidez Ondarroan Asier Badiolaren kasuan, egoera antzekoan baitago, edo Bilbon Bea Etxeberriaren eta Iñigo Zapirainen kasuan, Orozkon Alaitz Aramendirenean... Hamabost preso daude ezkutuko bizi guztiko zigorrera kondenatuak». Baina, hain zuzen, eskuinaren arazoa da preso hori Parot dela; nor eta presoen zigorrak luzatzeko Espainiako justiziak erabili zuen doktrinari izena jarri zion presoa; nor eta ortziralean eginen duten omenaldirako iragarri dutenez, ustez «39 biktima» eragin zituena.

2003an, orduko Espainiako Gobernuko presidente Jose Maria Aznarrek hala opa zien presoei 7/2003 legea aurkeztu zuenean: «Usteldu daitezela kartzelan». Presoen urruntzea pixka bat arinduta, lege horixe baliogabetzea du helburu orain Sarek, «bigarren faseari» ekiteko. Arreta giza eskubideetatik desbideratzeko saio bat izan daiteke eskuina Arrasatekoarekin egiten ari dena: «bigarren fasea» alboratu, eta, iragarri gisan, kartzelan ustel daitezen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri hil da

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Foro Sozialak gonbidatuta, «Memorien elkarrizketa» proiektuan parte hartu duten boluntarioak, Nafarroako Parlamentuan. ©Iñigo Uriz / FOKU

Foro Sozialak 'Memorien elkarrizketa' proiektua aurkeztu du Nafarroako Parlamentuan

Ion Orzaiz

Indarkeriaz gogoeta egin eta «elkarrizketarako espazioak» sortzeko beharra aipatu dute.

Usurbilgo udaletxea. ©NOAUA

Usurbilgo Sagardia plazaren izena aldatzea exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...