Albistea entzun

Koronabirusa

Alarma egoerarik ez bada dekretu bat egingo dutela esan du Urkulluk

Aparteko neurriak oraindik beharrezkoak direla gogoratuta, berriz egin dio luzatzeko eskaera Pedro Sanchezi. Iparraldean, aro berri batean

Erredakzioa -

2021eko maiatzak 4

Espainiako Gobernuak, iragarritakoa betetzen badu, maiatzaren 9an indargabetuko du alarma egoera, eta Jaurlaritza hasia da alarma egoerarik gabeko egoerarako prestatzen: Iñigo Urkullu lehendakariak atzo kazetariei egin zizkien adierazpenetan esan zuenez, ostiralean onartuko dute neurriak egoera berrira moldatzeko balioko duen dekretua. Maiatzaren 10ean sartuko litzateke indarrean, eta lau edo sei astez egongo litzateke indarrean.

Urkulluren arabera, dekretuak egun indarrean dauden arauak mantentzeko balioko du, «betiere Jaurlaritzak dituen gaitasunen barruan». Argi utzi zuen neurriak ezin direla leundu, ez bada behintzat aldaketa handirik gertatzen pandemiaren bilakaeran. Dena den, Urkulluk berriro eskatu zion Madrili alarma egoera luzatzeko; esan zuen oraindik badirela egun batzuk igandea iritsi arte, eta baduela itxaropena Pedro Sanchezen gobernuak jarrera aldatuko duela. Alarma egoerak sei hilabete daramatza indarrean.

Jaurlaritzak egungo neurriak mantentzen baditu, litekeena da haien legezkotasuna auzitegietan erabakitzea. Izan ere, alarma egoeraren abaroan, oinarrizko askatasunak murrizten dituzten neurri batzuk daude orain indarrean: besteak beste, etxeratze agindua, joan-etorrien debekua eta elkartzeko debekua. Alarma egoeraren legezko babesik gabe, ikusteko dago Jaurlaritzak debeku horiek mantendu ahalko dituen ala ez. Urkulluk gogorarazi zuen iazko urrian ere —alarma egoera indarrean sartu aurretik— EAEko Justizia Auzitegi Nagusiak debekatu zuela gehienez ere sei lagun bil zitezkeela zioen araua.

Arintze faseak Iparraldean

Abian da Frantziako Gobernuak murrizketak arintzeko prestatutako prozesua. Lau fasetan iraganen da. Atzotik aitzina, hamar kilometroko tartean ibiltzeko debekua kendu zuten, eta, ondorioz, eskualde bereko departamenduetan ibiltzeko eskubidea izanen dute herritarrek. Maiatzaren 19an, saltegiak eta terrazak irekitzen hasiko dira; ekainaren 9an, ostatu eta jatetxeen barrualdeak irekiko dituzte, eta, ekainaren bukaerarako, etxeratze agindua osoki kentzea da asmoa.

Etxeratzeko agindua indarrean dago oraindik: 19:00etan erretiratu behar da. Atzo aldaketa garrantzitsua izan zen, halaber, bigarren hezkuntzako ikasleak aurrez aurrekoan hasi zirela berriz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzainak itxiera perimetrala kontrolatzen. ©Endika Portillo / Foku

Euskal Herri osoa arintze fasean da

Berria

Espainiako Gobernuak gauerdian indargabetu du alarma egoera, eta Hegoalde osoan libre dira joan-etorriak gaurtik aurrera. Nafarroan etxeratze agindua indarrean da oraindik. Ipar Euskal Herria astelehenetik dago arintze fasean.

Ipar Euskal Herriko erakundeetako eta ikastoletako ordezkariak, Herri Urratseko agerraldian. ©Herri Urrats

Herri Urrats handiaren faltan, 30 txiki

Berria

Ikastola bakoitzak bere festa ospatu du gaur, pandemiak baldintzatutako bigarren Herri Urratsen. Seaskak bosgarren kolegioa behar du, eta Boga kanpaina abiatu du dirua biltzeko asmoz.

Herritar batzuk paseoan, Tolosan. ©Gorka Rubio / Foku

Joera beheranzkoa izan arren, 691 positibo atzeman dituzte Hegoaldean

Irati Urdalleta Lete

Positiboen ehunekoa %5,7ra jaitsi da. Hegoaldeko ospitaleetako ZIUetan 202 gaixo daude. Gaurtik neurri arinagoak daude indarrean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.