Albistea entzun

Hizkuntza gutxituentzako kuota zehatzak eskatu dituzte

Euskararen gutxieneko presentzia arautzeko, Ikus-entzunezkoen Legeak jaso beharreko «ardatz nagusiak» proposatu dituzte eragileek
Alex Aginagalde eta Paul Bilbao, atzo, Donostian egin zuten agerraldian.
Alex Aginagalde eta Paul Bilbao, atzo, Donostian egin zuten agerraldian. ANDONI CANELLADA / FOKU Tamaina handiagoan ikusi

Oihane Puertas Ramirez -

2022ko maiatzak 18 - Donostia

«Ikus-entzunezkoen Legeak eragin handia izango du gure bizitzan. Horregatik uste dugu beharrezkoa dela legeak arauak izatea», adierazi zuen Paul Bilbao Euskalgintzaren Kontseiluko idazkari nagusiak, Donostian. Izan ere, agerraldia egin zuten atzo goizean euskararen eta ikus-entzunezkoen arloan lan egiten duten hainbat elkarte eta gizarte eragilek, Ikus-entzunezkoen Legeak jaso beharreko «ardatz nagusiak» proposatzeko. Besteak beste, nabarmendu zuten hizkuntza gutxitu bakoitzak kuota jakin bat izan beharko duela.

Agerraldian izan ziren Alex Aginagalde Pantailak Euskaraz-eko bozeramailea, Kike Amonarriz Euskaltzaleen Topaguneko lehendakaria, Iban Arantzabal Tokikomeko presidentea eta Igor Astibia Hekimen elkarteko zuzendari eta koordinatzailea.

Bihar ekingo diote Ikus-entzunezkoen Lege Orokorraren eztabaida formalari, Espainiako Diputatuen kongresuan, eta, beraz, orduan eztabaidatuko dira lege proposamen horrek izan dituen ekarpen eta zuzenketa guztiak. Aurreikusten da maiatzaren 26an bozkatuko dela legea osoko bilkuran.

Bilbaoren arabera, alderdiek aintzat hartu dituzte egin zaizkien ekarpenak. Hala ere, nabarmendu zuen horrek ez duela ziurtatzen ekarpen horiek legean jasotzea: «Alderdiek zuzenketak egin dituzte, eta, batzuen eta besteen artean, guk egindako ekarpenak jasota daudela esan daiteke. Horrek ez du esan nahi legeak jasoko dituenik».

Legeak hizkuntza gutxituen presentzia «duina» bermatzeko, beharrezkotzat jo zuten elementu batzuk biltzea: besteak beste, finantzaketa eta emisio kuotak zehaztea, eta streaming plataformetan eta estatuko telebista publikoan arau batzuk finkatzea. Finantzaketari dagokionez, hizkuntza gutxitu bakoitzari %8 esleitzea proposatu zuten; emisio kuotari dagokionez, berriz, %40.

Streaming plataformetan, berriz, geolokalizazio bitartez tokian tokiko edukiak nabarmentzeko eskatu zuten, baita ordura arte diru publikoarekin bikoiztu edo azpidatzi diren eduki guztiak txertatzeko betebeharra ezartzeko ere. Gainera, plataformetako menuak euskaraz ere jartzeko eskatu zuten.

Telebista publikoei dagokienez, gutxieneko kuotak ezartzeko eskatu zuten: besteak beste, Clan TVko eduki guztiak bikoizteko eta euskaraz eskaintzeko, eta lurralde albistegiak bertako hizkuntza ofizialetan egiteko.

Euskal alderdiei eskaera bat

Madrilen ordezkaritza duten euskal alderdiei ere egin zieten eskaera bat: gutxieneko duina onartzeko urratsak egin ditzatela. Zehazki, alderdiei galdegin zieten «ahalegin guztiak» egin ditzaten egindako eskaerak legean kontuan har daitezen, baita legearen tramitazioan «arduraz» joka dezaten ere.

Aginagalderen arabera, ikus-entzunezkoak «funtsezkoak izan dira eta dira» euskararen berreskurapen prozesuan. Horregatik, nabarmendu zuen garrantzitsua dela legean gutxieneko neurriak jasotzea, euskararen presentzia «duina» bermatu ahal izateko. Izan ere, ohartarazi zuen azken hogei urteotan euskarak ikus-entzunezkoetan duen presentziaren egoera «erabat irauli» dela: «Pantailei begira igarotzen dugu gure aisialdiaren zati oso handi bat, eta, egun dagoen itsaso zabalean, euskararen presentzia erabat diluitu da».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alexandra Ruiz de Azua eta Aitziber Samaniego. ©JAIZKI FONTANEDA / FOKU

Orbaindu gabeko zaurien ispilu

Edurne Begiristain

Elikadura portaeraren nahasmenduak dituzte Alexandra Ruiz de Azuak eta Aitziber Samaniegok, eta Osakidetzari unitate berezi bat eskatu diote «arta integralerako». Haien ustez, janaria arazo emozional askoren «izozmendiaren punta» da.

«Gure gizartean dena da kontsumorako gai, baita argaltasuna ere»

 ©IÑIGO URIZ / FOKU

«Gure gizartean dena da kontsumorako gai, baita argaltasuna ere»

Ion Orzaiz

Elikadura portaeren nahasmendu kasu ugari artatzen dituzte Argibide fundazioan. Ageriko sintomak artatze hutsaz harago, erroko gabeziei eta arazoei erreparatzeko galdegin du Fermin Goñi arduradun zientifikoak.
Foruzaingoa istripu bat artatzen ©Nafarroako suhiltzaileak

Gizon bat hil da Baztanen auto batek harrapatuta

Isabel Jaurena

Ibilgailuaren gidariak ihes egin du, eta oraindik ez dute aurkitu

Solidary ikerketa taldeko kideak euren liburua aurkezten. ©ISABEL JAURENA

Pandemiak gizarte mugimenduak baldintzatu dituela ondorioztatu dute

Isabel Jaurena

Antirrazismoan, ekologismoan, euskaran eta feminismoan diharduten taldeak ikertu dituzte. Solidary taldeko kideek egin dute ikerketa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...