Ciudadanosek eta PPk ez dute lortu EAErako akordioa egitea

Azaroaren 10eko Espainiako Gorteetako bozetarako batasuna nahi zuen PPk. Alfonso Alonsok Albert Riverari egotzi dio errua
Alfonso Alonso EAEko PPren konbentzioan, orain bi aste.
Alfonso Alonso EAEko PPren konbentzioan, orain bi aste. ENDIKA PORTILLO / FOKU Tamaina handiagoan ikusi

Maider Galardi F. Agirre -

2019ko irailak 27

Isilean, baina lanean aritu dira Araba, Bizkai eta Gipuzkoako PP eta Ciudadanos azken asteotan. Asmoa Vascos Suman koalizioa osatzea zen, datorren azaroaren 10eko Espainiako Gorteetako bozetarako. Espainiako eskuina batu nahi zuten PPk eta Ciudadanosek koalizio horretan, baina, atzo jakinarazi zuen Alfonso Alonso EAEko PPko lehendakariak ezinezkoa izan dela ados jartzea, Ciudadanoseko presidente Albert Rivera aurka azaldu baita. Oraindik, ordea, astelehenera arte tartea dutela eta, Alonsok ohartarazi du «zentro-eskuineko alternatiba konstituzionala» osa daitekeela.

Eztabaida piztu da Riverak EAEko Ciudadanoseko Antolakuntza idazkari Javier Gomez Calvo kargugabetzean. «Beste alderdi batera joan nahi zuen Gomezek. Gure alderdiko militante bazara, ezin zara beste alderdi bateko militantea izan», ohartarazi du Riverak. Alonsok, berriz, Riverak Gomez Calvo kargugabetu ostean eman du negoziazioen berri.

Alonsoren arabera, EAEko Ciudadanosekin negoziatzen aritu ostean jaso dute Riveraren zuzendaritzaren ezezkoa. Gainera, akordiorik ez, eta Gomez Calvo kargutik kentzea gaitzetsi du Alonsok: «Beren alderdiari erabateko leialtasunez aritu dira. Posible zen Rivera ez egotea ados akordioarekin, baina ez genuen espero Gomez Calvo kargutik kentzea».

Edonola ere, Alonsok eutsi egin dio bere proposamenari, eta esan du azaroaren 10eko hauteskundeetarako beharrezkoa dela «konstituzionala den aukera berri bat»; izan ere, joan den apirilaren 28ko bozetan ez Ciudadanosek eta ez PPk ez zuten ordezkaritzarik lortu Araban, Bizkaian eta Gipuzkoan. Horregatik, zentro-eskuineko «aukera berri bat» aurkeztu nahi du Alonsok, eta ohartarazi du denbora dagoela astelehenera arte.

Bestalde, CIS Espainiako Ikerketa Soziologikoen Zentroaren eta EITB Focusen inkestak argitaratu dituzte, eta bi galdetegiek eman diote garaipena EAJri datorren azaroaren 10eko bozetarako.

EAJ berriz ere garaile

EITB Focus inkestaren arabera, Araban ez beste lurraldeetan EAJk lortuko luke ordezkari gehien —Araban PSE-EEk irabaziko luke—, eta EH Bilduk galdu egingo luke Arabako ordezkaria, PPren mesedetan. Elkarrekin Podemosek ere behera egingo luke. CISen arabera, Espainiako botoen %1,6 izango dira EAJrentzat, eta %1,2 EH Bildurentzat.

Gainera, herenegun aurkeztu zuten Mas Pais alderdia, eta Equorekin koalizioan Bizkaian aurkeztea adostu dute. Kideek oniritzia eman behar dute orain.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna