Albistea entzun

Besarkada bat eskubideak babesteko

'Herrien besarkada' ekitaldia egingo dute Durangon, maiatzaren 5ean. Europa osoko hamaika txokotan antolatu dute ekintza bera
<em>Herrien besarkada</em> kanpaina aurkeztu zuten, atzo, Bilboko Arriaga plazan.
Herrien besarkada kanpaina aurkeztu zuten, atzo, Bilboko Arriaga plazan. ARITZ LOIOLA/FOKU Tamaina handiagoan ikusi

Uxue Gutierrez Lorenzo -

2019ko apirilak 18 - Bilbo

Europak duen egoerarekin kezkatuta agertu dira Euskal Herriko Eskubide Sozialen Gutuneko eta Ongi Etorri Errefuxiatuak plataformako kideak. «Neofaxismoaren eta Europan ezartzen ari diren politika migratzaileen aurka gaudela adierazi nahi dugu». Salaketa hori egin nahi dutela azaldu du Nati Ovelleiro Ongi Etorri Errefuxiatuak plataformako kideak, eta horretarako ekitaldi bat prestatu dutela. Herrien besarkada deituriko ekintza antolatu dute maiatzaren 5erako, Durangon (Bizkaia), «herrien, pertsonen eta eskubideen» arteko elkartasuna adierazteko asmoz. Atzo aurkeztu zuten, Bilboko Arriaga plazan eginiko agerraldi batean. Antolatzaileek herritarrak deitu dituzte ekitaldian parte hartzera.

Aipatu dutenez, Euskal Herriko Eskubide Sozialen Gutunak eta Ongi Etorri Errefuxiatuak plataformak sustatu dute ekintza, baina nazioarteko kanpaina baten parte da, eta Europako hamaika txokotan atxiki zaizkie. «Berlinen, Dublinen, Palermon eta Londresen ere besarkada erraldoia egingo dute maiatzean», zehaztu du Ovelleirok. Europatik at ere, AEBetako San Frantziskon bat egin dute. Maiatza «borrokaren ikur» bihurtu nahi dute.

Ana Perez Euskal Herriko Eskubide Sozialen Gutuneko kideak zehaztapenak eman ditu mobilizazioen arrazoien inguruan. «Krisi soziala eta ekonomikoa migratzaileen gain jartzen dituen diskurtso manipulatua igorri dute instituzioek. Gezurra esan dute, eta, horrela, eliteen erantzukizuna saihesten dute». Hori ikusita, pertsona guztientzako eskubideak defendatzeko konpromisoa berretsi dute.

Durangoko ekitaldian zortzi errenkada eratuko dituzte, eta, gero, besarkada batean bilduko dira denak. Simulazioa egin zuten atzo: eskutik oratuta, sigi-saga eta bueltaka ibili ziren Arriagako plazan, elkartasuna irudikatuz. Gero, besarkada batean batu ziren denak, eta txalo zaparrada batekin bukatu zuten entsegua.

Eskari zehatzak

Europako politika nola, euskal instituzioak ere interpelatu dituzte antolatzaileek. Neurri zehatzak eskatu dizkiete: «Euskal Herriko instituzioei exijitzen diegu migratzaileen eskubideak modu eraginkorrean bermatuko dituzten baliabide guztiak ezar ditzaten». Bide horretan, enplegurako eta politika publikorako neurri eraginkorrak exijitu dituzte, «migratzaileen zaurgarritasuna eta bazterketa geldiarazteko» asmoz.

Mobilizazioon oinarrian dauden salaketak, eskariak eta konpromisoak Arteako konpromisoa deritzon dokumentuan zehaztu dituzte. Ongi Etorri Errefuxiatuak taldeak ondu du agiria, eta horrekin bat egin dute Eskubide Sozialen Gutuna osatzen duten eragileek. Deitzaileek «alternatibak» planteatzea dute helburu, esku artean dituzten «askotariko erronkei» aurre egiteko. Batzuk zerrendatu ditu Perezek: «Eraso neoliberala, nekropolitikak, kolapso ekologikoa eta elkartasunaren kriminalizazioa, besteak beste». Horri aurre egiteko, «elkartasun sare bat» osatu nahi dute euskal gizartean dauden eragile eta sindikatuen artean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alberto Perez, Sindikatu Medikoko burua, atzoko agerraldian. ©AITOR KARASATORRE / FOKU

Osasunbidearen eskaintza medikuei: soldata igoera eta 32 paziente egunean

Ion Orzaiz

Nafarroako Gobernuak «asmo handiko eskaintza» egin dio Sindikatu Medikoari, greba eragozteko. Esklusibotasuna kenduko lukete, baina trabak jarrita sare publikoan eta pribatuan aldi berean aritzeari
Irabia-Izagaren Izaga egoitza, Cordovillan, artxiboko irudi batean. ©IÑIGO URIZ / FOKU

Nafarroak batxilergoko ituna eten die ikasleak sexuka bereizten dituzten eskolei

Ion Orzaiz- Irati Urdalleta Lete

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako ezaugarriak»
Pilar Alegria Espainiako Hezkuntza ministro eta PSOEko eleduna, atzo egindako agerraldian. ©FERNANDO ALVARADO / EFE

'Soilik baietz da baietz' legea aldatzea Kongresuan proposatuko du PSOEk

Maite Asensio Lozano

Berdintasun Ministerioak ez du uste moldaketak zigor berrazterketen auzia konponduko duenik
Donostia ospitaleko zerbitzuburuen protesta bat, abenduan. ©JON URBE / FOKU

Negoziazioa «bideratuta» egon arte protestan segituko dute Donostia ospitalean

Julen Aperribai

Elkarretaratzea egin dute berriro ere. »Kronograma» bat bidali zioten Osakidetzako zuzendaritzari, eta horren erantzuna jaso zain daude

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.