Albistea entzun

Erakundeen arrazakeria «egiturazkoa» dela salatu dute

Kalera atera dira ehunka lagun «politika publiko arrazisten» aurka egiteko, Arrazakeriaren eta Xenofobiaren Aurkako Nazioarteko Egunean
Kalera jo zuten herritar ugarik Bilbon, arrazakeria, xenofobia eta ijitoen aurkako diskriminazioa salatzeko.
Kalera jo zuten herritar ugarik Bilbon, arrazakeria, xenofobia eta ijitoen aurkako diskriminazioa salatzeko. M. DEL VALLE / FOKU Tamaina handiagoan ikusi

Joxerra Senar - Javi West Larrañaga -

2023ko martxoak 22 - Bilbo

Arrazismoari buruzko 2022ko txostena aurkeztu zuen atzo Nafarroako SOS Arrazakeria elkarteak, Arrazakeriaren eta Xenofobiaren Aurkako Nazioarteko Egunean. «Gizarte osoaren erantzukizun politiko eta sozialaren gain jarri nahi dugu arreta». Elkarteak azpimarratu zuen arrazakeria «egiturazkoa» dela, eta horrek berak eramaten dituela erasoak, diskriminazioak eta eskubide urraketak jasaten dituzten asko bizi izandakoa ez salatzera. Ondorioz, azaldu zuten txostenean bildu diren kasuak errealitatearen «oso parte txiki bat» direla.

Gogora ekarri zutenez, arrazakeria jasaten duenaren gain jartzen da maiz frogatzeko beharra: «Ez dugu onartzen alde ahulenaren gain jartzea ardura hori». Nafarroako adarrak bildutako datuen arabera, lau kasutik hirutan administrazio publikoa da diskriminazioaren eragilera; %73an, zehazki. SOS Arrazakeriaren arabera, atzerritartasun, nazionalitate edo asilo prozeduretan salatzen da gehienbat diskriminazioa; orotara, kasuen %30 dira. Polizien jarduerei lotuta daude salaketen %16.

Bereziki gaitzetsi zituzten Atzerritarren Polizia Taldearen aurrean aurkezteko ematen diren «hitzordu tranpak». Horrez gain, salatu zuten poliziek maiz kontrolak egiten dituztela migrantearen «profil etnikoagatik», eta kasu batzuetan indarkeria erabiltzen dutela.

Gizartean «errotuta»

Politika horiek izan zituzten hizpide ere Bilbon, iluntzean, Martxoak 21 plataformaren izenean hamabost taldek deitutako protestan. Kalera jo zuten gazte, heldu eta familia ugarik arrazakeria, xenofobia eta ijitoen aurkako diskriminazioa salatzeko, danborrez eta tinbalez lagunduta. «Arrazakeria gure gizartearen alderdi guztietan dago errotuta», adierazi zuten amaieran euskaraz, espainolez, arabieraz eta frantsesez irakurritako manifestuan.

Espainiako Atzerritarren Legea da deitoratu zituzten politika publikoetako bat. «Atzerritarren Legeak jendea hiltzen du egunero», oihukatu zuten protestan ari zirenek. Bilboko San Frantzisko auzotik abiatu zuten manifestazioa, eta ez da kasualitatea: migratzaileak dira han bizi diren gehienak, eta hainbat elkartek ohartarazi dute polizia ugari ibiltzen direla han eta kontrol neurriak ezartzen dituztela. «Auzoaren militarizazioa eta Poliziaren jarduera arrazista salatzeaz gain, araketak, sarekadak eta legez kanpoko etxegabetzeak salatzen ditugu», azaldu zuen Omra El Qrich Martxoak 21 plataformako kideak. Adierazi zuenez, araketa horiek «mutil arrazializatuei» egiten dizkiete bereziki.

Legez kanpoko etxegabetzeei ere erreparatu zieten manifestazioan. «Bilbon legez kanpoko etxegabetzeak egiten dira, eta, bereziki, San Frantziskon», salatu zuten. Elkarretaratzera deitu zuten kolektiboetako batzuek eskuorriak banatu zituzten, epaileen agindu barik etxeak uzten saiatzen direnean zelan jokatu azaltzeko.

Migratzaileekiko ez ezik, ijitoekiko bereizkeria ere bukarazi behar dela aldarrikatu zuten manifestuan. «Ijitoen aurkako diskriminazioa gaitzesten duten benetako politikak exijitzen ditugu, [...] ijito herriari egindako kalte guztia erreparatzen dutenak, gu errekonozitzen gaituztenak eta ikusgai egiten gaituztenak».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Cintruenigoko planta horretan piztu da sutea eta ke toxikoa. ©Guardia Zibila

Birziklatze lantoki batean piztutako suak ke toxikoa eragin du Cintruenigon

Joxerra Senar

Babes Zibileko eta Larrialdietako Zerbitzuak etxean egoteko gomendatu die herritarrei, «segurtasun arrazoiengatik».

Garbiñe Aranburu, atzean Irati Tobar duela, gaur goizean. ©Jon Urbe / Foku

Hezkuntza sistema publikoko plantillei eustea adostu dute LABek eta Eusko Jaurlaritzak

Iosu Alberdi

Lan baldintzei eta hezkuntza ereduari buruzko proposamenak aurkeztu ditu Eusko Jaurlaritzak mahai sindikalean, eta ontzat jo ditu LABek. Mahai sektorialetan jarraituko dute negoziazioek.

'Sorionekuak' manifestuaren aurkezpena, urtarrilean, Iruñean. ©IÑIGO URIZ / FOKU

Sorionekuek «ongietorri erraldoia» eginen diote euskarari ekainaren 10ean Iruñean

Ion Orzaiz

Euskararen aldeko manifestazioaz gainera, egun osoko egitaraua prestatu dute plataforma osatzen duten eragileek

Nekane Arratibel irakasle eta ikertzaileak <em>Zer behar dute gazteek?</em> jardunaldietan parte hartu zuen atzo, Bilbon. ©OSKAR MATXIN EDESA / FOKU

Euskara, gazteen ikuspegitik

Olatz Silva Rodrigo

Lehen mailako ikasleen profil linguistikoa ezagutzeko ikerketa egin du Mondragon Unibertsitateak. Azterlanaren arabera, testuinguruak eragina dauka gazteen hizkuntza ohituretan eta hautuetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...