Noiz sortua: 2019-02-01 00:30:00

Eutanasia legeztatzeko eskatu dio Portugaletek Espainiako Kongresuari

Alzheimerdun herrikide baten sendiak sustatutako adierazpena onetsi du udalbatzak. Beste 20 udalek ere egina dute zigorgabetasun eskea
Maribel Tellaetxeren senar Txema Lorente, atzoko udalbatzan.
Maribel Tellaetxeren senar Txema Lorente, atzoko udalbatzan. M. R. / FOKU Tamaina handiagoan ikusi

Ibai Maruri Bilbao -

2019ko otsailak 1

Portugaleteko Udalak eskaria egin dio Espainiako Kongresuari; eutanasia legeztatzeko bertan bidea egiten ari den lege proiektuaren tramitazioa desblokeatzeko eta onartzeko. Maribel Tellaetxe herrikidearen familiak aurkeztuta, horren aldeko adierazpen bat onartu zuten atzoko udalbatzan. PSE-EEk, EAJk, EH Bilduk eta Esna Gaitezen plataformak babestu zuten; PP abstenitu eginzen. Halako adierazpen bat egin duten lehen udala da Bizkaian; baina ez Euskal Herrian: Nafarroan, Heriotza Duinerako Eskubidea elkarteak sustatuta, dagoeneko 20 udalek onartu dituzte eutanasia zigorgabetzearen aldeko testuak. Araba, Bizkai eta Gipuzkoako elkartea adierazpen gehiago aurkezteko lanean dabil.

Tellaetxek alzheimerra du. «Burua argi zuenean, hainbatetan adierazi zuen ez zuela bizi nahi gaur egun bizi den egoeran. Idatziz ere utzi zuen bere borondatea», irakurri zuen atzoko bilkuran Mikel Torres alkateak. Adierazpenak gogora ekarri du Eusko Legebiltzarrak baduela hil hurren daudenen eskubideak eta duintasuna bermatzeko legea, 2016an onartutakoa. Baina aitortu du ez dela aski «heriotza duinerako eskubidea bermatzeko», Espainiako beste arau batzuekin talka egiten duelako. Izan ere, Zigor Kodearen 143.4 artikuluak espetxe zigorra ezartzen dio beste baten heriotzari «beharrezko eta zuzeneko ekintzekin aktiboki eta zuzenean eragiten dionari, baldin eta biktimak heriotza eragingo dion gaixotasun larria badu». Artikulu hori indargabetzeko ere eskatu diote Kongresuari. Baita Espainiako Gorteek onartutako 26/2015 legearen bigarren azken xedapena indargabetzeko ere. Xedapen horrek muga batzuk jartzen dizkio 2002ko Espainiako pazienteen autonomiarako legeari. «Bere borondatearen kontra bizitzera behartzeak egoerari krudeltasuna handitzea esan nahi du, eta heriotza bortitz bat izatera kondenatzea», salatu du adierazpenak. Tellaetxeren senar Txema Lorente udalbatzan izan zen. Eskerrak eman zizkion Portugaleteko herriari: «Goazen gaur denok elkarrekin; gu gara herria». Change.org atarian sinadurak biltzen ari da sendia. Sosamatxu.wordpress.com blogean eman daiteke babesa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Brasiliako dendetako langileak, COVID-19 proba egiteko ilaran. ©Joedson Alves / EFE

5,6 milioi gaixotu dira munduan, eta 350.000 baino gehiago hil

Berria

Munduan 5.594.175 kasu positibo baieztatu dituzte, eta 350.531 lagun hil dira COVID-19aren eraginez. Oraindik ez dira sendatu kutsatutakoen erdiak ere. Johns Hopkins Unibertsitatearen arabera, 2.288.579 dira sendagiria jaso dutenak.

Hildakoak oroituko dituzte Hegoaldeko erakundeek

Hildakoak oroituko dituzte Hegoaldeko erakundeek

Arantxa Iraola

Bat egin dute Espainiako Gobernuak gaur dolua erakusteko ezarri duen hamar eguneko epealdiarekin, eta eguerdian minutu bateko isiluneak egingo dituzte

<b>Laborategia.</b> Lan eskerga egiten ari dira zientzialariak birusa menderatzeko. ©S. MOREIRA / EFE

Bio zigiluaren balio erantsia

Xabier Martin

Maskaren ekoizpenean erreferentzia bihurtu da Euskal Herria, baina laborategian ere ari dira birusaren aurka biozientziaren esparruan jarduten duten euskal enpresak

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna