Albistea entzun

Tipikotasuna izatera kondenatuta Donostian

Zigor Etxaburua Urbizu - EH Bilduren Donostiako udal taldeko zinegotzia

2019ko abuztuak 1

Ezagutu dugu aurtengo Aste Nagusiko egitaraua eta berriro ere adierazi beharra dugu ez gatozela bat euskaldunak arrozten gaituen jai eredu honekin. Aurten, laugarren urtez jarraian, udal arduradunek erdaldundu egin dituzte Aste Nagusiaren eduki herrikoienetakoak diren Sagueseko kontzertuak.

Joan den agintaldiko lehen urtean, programazioa adostuta utzi zuen Juan Karlos Izagirreren gobernuak. Urte hartan, Sagueseko emanaldien erdiak euskaraz izan ziren. Hurrengo urteetan, ordea, erabat aldatu zen egoera, euskararen kaltetan. 2016 eta 2017ko Aste Nagusietan emanaldi bana izan zen euskaraz. Iaz, bi izan ziren eta, aurten, berriz ere bakarra izango da euskaraz. Emanaldi horien ikus-entzuleak nagusiki gazteak dira eta, dakigunez, euskararen ezagutza gehien hazi den esparrua da hori.

Eustat-en 2011ko datuen arabera, 15 eta 35 urte bitarteko 39.600 gazte donostiarretatik %60 euskalduna da, eta beste %24 ia euskalduna. Hain zuzen ere, Eusko Jaurlaritzaren eta baita Donostiako udalaren plangintzek nabarmentzen dute esparru horretan eragin behar dela, euskararen erabilera hazi dadin. Hain zuzen ere, Donostiako udalaren 2015-2019 aldirako Euskararen Plan Orokorrak bere balorazio estrategikoan dio Gazteria, Kultura eta Kirola sailekin elkarlana handitu behar dela, eragite lana eginez. Gainera, gazteak hizkuntzaren normalizazio prozesuan giltzarri direla nabarmentzeaz batera, aisialdirako estrategiaren baitan proposatzen du Donostia Kulturak eta Gazteria sailak bultzatzea euskarazko jarduerak beren eskaintzetan, garrantzia handia aitortuz horri.

Kezkagarria izan bada uda joan eta uda etorri euskaldunak geure burua arrotz sentitzea Donostiako udalak antolatutako Aste Nagusian, are kezkagarriagoa da ikustea Udal Gobernu zahar-berriak ez duela egoera birbideratzeko ekimenik egin. Merezi du gogoratzea Juan Karlos Izagirreren udal gobernuak moldatu ahal izan zuela euskararen mesedetan, sartu berritan, urte hartako Aste Nagusiko egitarau erdaltzalea.

Udal Gobernuak 2015ean bere programan agindu zuen profesionalen talde independente bat eratuko zuela, Aste Nagusiko Sagueseko kontzertuen egitaraua adosteko. Agintaldia amaituta, ordea, ez du taldea osatu, agintaldi erdian hura sortzeko asmoez galdetu genion arren. Ez zigun argitu, halaber, zein irizpideren arabera osatzen den egitaraua. EH Bilduk baditu irizpideak, 2011-2015 agintaldian erabilitakoak, hain zuzen ere: nazioartekotasuna, tokikotasuna, euskara eta kalitatea. Horregatik, eskatzen diogu Udal Gobernuari irizpide horiekin bat egitea, donostiar guztiontzako erakargarria izango den jai eredu baten mesedetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - Berria Taldeko lehendakaria / Martxelo Otamendi - BERRIAko zuzendaria

Iaz BERRIA Taldea egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.