Albistea entzun

PSE-EEko zenbait buru ez daude ados PSOEk Gonzalezez esandakoarekin

Eneko Andueza Gipuzkoako PSE-EEko idazkari nagusiaren ustez, PSOEk «nahikoa da» esan beharko lioke Espainiako presidente ohiari
JON URBE / ARGAZKI PRESS Tamaina handiagoan ikusi

Igor Susaeta -

2020ko ekainak 18

Adriana Lastrak beste aldera begiratu zuen, herenegun, kazetariek galdetu ziotenean Felipe Gonzalez 1982 eta 1996 bitartean Espainiako Gobernuko presidentea izan zena GALen sorrerarekin lotzen duten CIAren desklasifikatutako dokumentuez. «PSOEren idazkari nagusia izan da, eta PSOEren babesa dauka», erantzun zuen PSOEren Espainiako Kongresuko bozeramaileak, prentsaren aurrean egindako agerraldian. Eneko Andueza Gipuzkoako PSE-EEren idazkari nagusiak, ordea, ez du gauza bera pentsatzen. Haren ustez, PSOEk «nahikoa da» esan beharko lioke Gonzalezi.

Euskadi Irratian elkarrizketatu zuten Andueza, atzo, eta adierazi zuen ezen, bere alderdian oraindik ere GAL dela-eta erantzukizunak argitzeke baldin badaude, «ordain daitezela». GALen krimenak «gaitzetsi» zituen, eta taldearen jarduna «nazkagarria» iruditzen zaiola azpimarratu.

Lastrak Gonzalezi buruz esandakoak gogoan hartuta, bestalde, Gipuzkoako PSE-EEko idazkari nagusiak beste modu batean ulertzen du «leialtasuna». Bide batez, Gonzalez bera izan zuen hizpide: «Gaur-gaurkoz, Felipe Gonzalez PSOEtik oso urrun ikusten dut; bai militante gisa, baita kontzeptualki ere». Gaineratu zuen, hori bai, ez dela alderdietan «garbiketak» egitearen «aldekoa».

Gonzalez bera auzitan jartzera iritsi gabe, Denis Itxaso EAErako Espainiako Gobernuaren ordezkariak ere GALen zeregina kritikatu du. «Ez zuen inoiz existitu behar», argitaratu zuen, atzo, bere Twitter kontuan. Itxasorentzat, GALek «mina» besterik ez zuen eragin, eta «begia begi truk» moldea elikatu. «Izugarrikeria handi bat eta hutsegite handi bat izan zen». Pentsatzen du giza eskubideen defentsa ez dela sinesgarria, «osoa eta koherentea ez bada».

Urkullu, atentatuak argitzeaz

Iñigo Urkullurentzat, «ulertezina» da ETAren zein «gerra zikinaren» 1980az geroztiko atentatu batzuk argitu eta ikertu gabe egotea. Eusko Jaurlaritzako lehendakariak atzo Onda Cero irratian emaniko elkarrizketa batean adierazi zuenez, duela hamarkada batzuetako «akzioa-erreakzioa-akzioa» dinamikan «posizio oso argia» hartu zuen EAJk, «era guztietako terrorismoen eta biolentzien aurka» azalduz.

Gonzalez ikertzeaz galdetu zioten, eta Urkulluk esan zuen EAJk ekinbide bat aurkeztu duela Espainiako Kongresuan, argitu dadin zein «inplikazio» eduki zuen GALen eraketan. EAJk datorren astean aurkeztuko du Sekretu Ofizialen Legea moldatzeko lege proposamena. Hori egitea «urgentziazko» da, Urkullurentzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Sareren manifestazioa Santurtzin, gaur zortzi. ©Aritz Loiola / Foku

Beste sei preso Euskal Herriratuko dituzte

Jon O. Urain

Gainera, beste euskal preso bat lekualdatuko dute Iruñetik Arabako, Bizkaiko edo Gipuzkoako kartzelaren batera.

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.