Ruizek presoak Euskal Herriratzea jarri du «bizirik ateratzeko baldintza gisa»

AEMren arabera, kartzelak ospitalera joatea proposatu dio presoari, baina uko egin dio Ruizek
Patxi Ruiz presoaren aldeko protesta bat, astelehenean, Bilbon.
Patxi Ruiz presoaren aldeko protesta bat, astelehenean, Bilbon. ARITZ LOIOLA / FOKU Tamaina handiagoan ikusi

Maddi Ane Txoperena Iribarren -

2020ko maiatzak 22

Patxi Ruiz euskal presoa egarri eta gose greban dago Murtzia II espetxean, eta sei puntuko aldarrikapen zerrenda bat plazaratu du, AEM Amnistiaren Aldeko eta Errepresioaren Aurkako Mugimenduak zabaldutako ohar batean. «Bizirik ateratzeko baldintza» gisa «euskal preso politiko guztiak» Euskal Herrira ekartzeko eskatzen du ohar horretan, baita Murtzia II espetxean bere «integritate fisikoaren segurtasuna bermatzea» eta zuzendari, mediku eta kartzelarien «mehatxu, jipoi eta irainak» bertan behera gelditzea ere. Printzipioz, AEMk zabaldu zuen Ruiz ospitalera eraman zutela atzo arratsaldean, baina segidan gezurtatu zuen informazio hori. AEMren hitzetan, kartzelak ospitalera joateko proposamena egin zion Ruizi, baina uko egin zion hark.

AEMren arabera, medikuek hainbat proba egin zizkioten atzo Ruizi, eta, haien arabera, «giltzurrunetako akatsa» pairatzen ari da presoa: «Oraindik bere kabuz ibiltzeko gai da, baina haren egoera oso larria da, eta hiltzeko benetako arriskua dago».

Ruizen abokatuek asteartean ohar batean adierazitakoaren arabera, Espainiako Auzitegi Nazionaleko Espetxe Zaintzako Epaitegi Zentralak espetxeari eskatua dio Ruizen osasun egoeraren txosten bat bidal diezaiola. Ruizek astelehenean jakinarazi zuen ez zuela erietxera eramaterik onartuko ez bazen Espainiako Auzitegi Nazionaleko auto judizial batek behartuta.

Espainiako Espetxe Erakundeekin harremanetan jarri da BERRIA, eta, haien arabera, Ruizek ez dio espetxe administrazioari komunikatu gose eta egarri greban dagoenik.

Asier Ezeiza presoa, aske

Asier Ezeiza Aierra Hernaniko (Gipuzkoa) euskal presoa aske gelditu zen atzo, Espainiako Auzitegi Nazionalak askapen autoa kaleratu eta Frantziako zigorra bete ondotik. Frantziak urte hasieran Espainiaren esku utzi zuen, epaiketa bat egin ziezaioten. Absolbitu, eta Frantziara bidaltzekoak ziren, zigorra osorik betetzeko, baina COVID-19a dela-eta Zaballan (Araba) egon behar izan du. Frantziako zigorra bete duenez, aske utzi dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Haranburu eta senideak, kartzela kanpoan. ©BERRIA

Frederic Haranburu 'Xistor' espetxetik atera da, 30 urteren ondoren

Ekhi Erremundegi Beloki

Eskumuturreko elektronikoa eraman beharko du urte eta erdiz, eta «baldintza zorrotzak» izanen ditu zortzi urtez.

Ortuzar, joan den uztailean ©Javier Zorrilla / Efe

Aurrerantzean ere EAJren burua izango da Ortuzar

Igor Susaeta

EBBko presidenteak baieztatu du ez dutela beste hautagaitzarik aurkeztu.

Jose Luis Uriz eta Expe Iriarte Nafarroako Foro Sozialeko kideak, gaur, Iruñean. ©Jagoba Manterola / FOKU

Egindako kaltea aitortzeko eskatu die Foro Sozialak «tortura ahalbidetu zuten arduradun politikoei»

Maddi Ane Txoperena Iribarren

35 urte igaro dira Mikel Zabalza desagertu zela, eta Nafarroako Foro Sozialak ohartarazi du «oraindik argitu gabe» dagoela kasua, «beste asko» bezala.

Esteban (EAJ), Sanchez (PSOE) eta Echeniqueren (UP) artean ©EFE

EAJk aurrekontuen alde bozkatuko du

Igor Susaeta

Estebanek iragarri du akordioa lortu dutela Espainiako Gobernuarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna