Albistea entzun

Erriberriko antzerki jaialdiak inklusibotasuna izanen du ardatz

Uztailaren 15etik 31ra egingo dute antzerki klasikoaren jaialdia. Espazio «paritario eta feminista» baten alde egin dute apustua aurten
Led Silhouette dantza konpainiako Martxel Rodriguez eta Jon Lopez kideak.
Led Silhouette dantza konpainiako Martxel Rodriguez eta Jon Lopez kideak. IÑIGO URIZ / FOKU Tamaina handiagoan ikusi

Yasmine Khris -

2022ko maiatzak 18 - Iruñea

«Betiko formatura» itzuliko da, aurten, Erriberriko Antzerki Klasikoaren Jaialdia (Nafarroa), atzo antolatzaileek Iruñean egindako aurkezpenean azaldu zutenez. Uztailaren 15etik 31ra eginen dute, 22 konpainiaren lana ikusgai izanen da bertan, eta musika, zirkua, dantza eta bertze arteak uztartuko dituzte. Sarrerak salgai dira, online zein fisikoki.

Euskal Herriko, Espainiako, Boliviako eta Mexikoko konpainiek parte hartuko dute aurten. Nafarroako 11 konpainiaren proposamenak daude programazioan: La casa cuartel de Bernarda Alba lana (Bernarda Albaren etxe kuartela), Nafarroako Cardo Producciones konpainiaren ekoizpena; eta La vida vivida y por vivir (Bizitako eta bizitzeko dagoen bizitza), Nafarroako Unibertsitate Museoaren produkzioa, bertzeak bertze.

Euskarazko pieza bat aurkeztuko dute, Tafallako Kulturgunean (Nafarroa): uztailaren 16an, 19:00etan, Ilargiaren atzean ikuskizuna; familian gozatzeko antzerkia izanen da, Malas Pulgas Teatro konpainia nafarraren eskutik. Emanaldien artean, Federico Garcia Lorca eta William Shakespeareren obra moldatuak izango dira.

Bertze behin, Erriberriko La Cava aretoa izanen da antzerki klasiko festibalaren oholtza nagusia. Jaialdiaren inaugurazioa uztailaren 15ean izanen da, ostiralean, Sandra Ferrus artista katalanaren lanarekin, La panadera. Oholtza horretaz gain, jaialdiak gainerako egoitza hauek hartuko ditu: betikoak —Erriberriko Teobaldoen plaza eta kultur etxea, eta Tafallako kultura etxea—, eta horiei batuko zaizkie Beireko (Nafarroa) Ezpeleta jauregia eta kultur etxea, Erriberriko Ronda del Castillo, Jauregia eta Karlos III.a plaza, eta Tafallako Kondearen parkea. Karrika artean ere arituko dira artistak. Bi aste horietan Erriberri «epizentro kultural» bihurtuko dela hitzeman du Lorenzo Garcia Etxegoien Nafarroako Gobernuko Kultur Ekintza Zerbitzuko zuzendariak.

«Paritarioa eta feminista»

Lehenbiziko aldia da Erriberriko jaialdiak zuzendaritza artistiko partekatu bat duena. Iaz, Maria Goirizelaia eta Ane Pikaza izendatu zituzten zuzendari, «arte eszenikoei loturiko espazioetan prestakuntza eta eskarmentua duten bi profesional».

Pikazaren hitzetan, izendapen hori aukera ezin hobea da «emakumeek antzerkiaren munduan duten eragina handitzeko». Hain zuzen ere, aurten, guztira, 38 emanaldi eta 22 ikuskizun programatu ditu jaialdiak, eta horietatik 11 emakumeek sortu, idatzi edo zuzendu dituzte. «Inklusibotasunaren aldeko apustua egin dugu, hau da, espazio paritario eta feminista baten aldekoa». Ziurtatu dute badakitela herritarrek «kalitatezko» proposamenez gozatzeko premia dutela. «Ikuslearen jakin-mina piztu, astindu eta hunkitu nahi duen jaialdi bat irudikatu dugu. Espazio kritikoagoa eta irekiagoa izanen da».

Atzo, jaialdiaren aurkezpena amaitzeko, Led Silhouette dantza konpainiak bere ikuskizunaren zati bat eman zuen Iruñean, Erriberrin uztailaren 27an egin baino lehen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Aitor Mendiluze eta Amets Arzallus, atzo, elkarrekin kantuan, hamarreko txikiko ariketan. ©MARISOL RAMIREZ / FOKU

Ez da ate ondoan geratu

Miren Mujika Telleria

Amets Arzallusek Bilbon irabazi ondoren, erabakita gelditu da finala. Harekin batera ariko dira Illarregi, Ibarzabal, Gaztelumendi, Colina, Mendiluze, Martin eta Lujanbio
<em>Titanic Rising</em> diskoan abiatutako bidean segitzen du Weyes Blood-ek disko berrian. ©BERRIA

Dirdira iluntasunean

Mikel Lizarralde

Folkaren eta pop barrokoaren artean mugitzen diren kantuen bitartez, Weyes Bloodek gaur egungo ajeetan arakatu du 'And In The Darkness, Hearts Aglow' diskoan.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.