Albistea entzun

Koronabirusa

Txertatzen hasita daude biztanleen %30 Europan

Txertaketa pauta osoa dute %17k. OMEk ohartarazi du horrekin ez dela aski agerraldiak saihesteko: %80ko tasa behar da. Beste koska bat bidean: Osakidetza 45 urtekoei deitzen hasi da jadanik
Erizain bat, txertoaren dosia prestatzen.
Erizain bat, txertoaren dosia prestatzen. GORKA RUBIO / FOKU Tamaina handiagoan ikusi

Arantxa Iraola - Uxue Rey Gorraiz -

2021eko ekainak 11

«Urrun heldu gara, baina ez behar bezain urrun». OME Osasunaren Mundu Erakundeko Europako zuzendari Hans Klugek era horretan baloratu zuen atzo kontinentean txertaketa kanpainek daramaten martxa, eta egungo txertaketa tasekin oraindik COVID-19aren agerraldiak izateko arriskua agerikoa dela dela esan zuen. Herritarren %30ek txertoaren dosi bat hartua dutela azaldu zuen, %17 guztiz txertatuta daudela, baina oraindik urrun dagoela arriskuak nabarmen urritzea ekarriko duen portzentajea: %80ko tasara heltzea garrantzitsutzat daukate OMEko adituek. Horretara ailegatuta ere, arazoa «globala» dela oroitarazi zuen, eta Europan tasa onak lortuta bakarrik ez dela aski izango izurriari behar bezala aurre egiteko.

Hala, adierazi zuen ezinbestekoa dela mundu mailako txertaketa planak sustatzen jarraitzea, eta txalotu egin zuen bide horretan berriki Joe Biden AEB Ameriketako Estatu Batuetako presidenteak egindako iragarpena, esan baitu 500 milioi txerto erosiko dituztela mundu osoan banatzeko. Birusak zenbait tokitan oldartuta jarraitzen duen heinean birusaren aldaera berriak agertzeko arriskua aski handitzen dela diote aditu askok, eta zuhur jokatzeko eskatzen ari dira. Bide horretan, asmo zehatzak ditu OMEk: irailaren 10erako populazioaren %10 txertatzea da asmoa; urtea amaitzerako, %30.

Ordea, helburua aski urrun dago oraindik. OMEren esanetan, ekoiztuak diren dosi kopuruak eta eskura diren horien banaketak ezinbestean baldintzatuko du bidea. Adierazi dutenez, esaterako, 11.000 milioi dosi behar dira mundu osoko biztanle guztien %70 txertatzeko, eta, argitu dutenez, kantitate horren ehuneko txiki bat baizik ez da ekoiztu oraingoz; 1.600 milioi egin dira, eta horien %0,3 baizik ez dira iritsi «herrialde txiro» deiturikoetara.

Aurrerapausoak

Euskal Herrian ere nabarmen ari da aurreratzen txertatuen ehunekoa. Kanpainak azken asteko erritmoari eutsiko balio, abuztuaren lehen astean lor liteke herritarren %80k dosiren bat hartua izatea: hain zuzen ere, OMEk aholkatu duen langara iristea. Egun, Hegoaldeko herritarren %47,34k dute dosi bat hartua; pauta osatua dute, berriz, %29,38k. Iparraldean, txertaketa orokorra da jada: edade tarterik gabe, nahi duen orok du ordua hartzeko era. Osakidetza eta Osasunbidea dagoeneko 40-49 urte arteko adin tarteari begira ari dira. Atzo, Osakidetzak jakinarazi zuen 45 urtekoei deitzen hasteko asmoa duela, asteburuan ekiteko ziztei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar bat txertoa jartzen, Baionako txertaketa gunean. ©Guillaume Fauveau

Hego Euskal Herriko herritarrak Ipar Euskal Herrian txertatzeko irizpideak zehaztu dituzte

Berria

Iparraldean bizi behar da bertan txertoa hartzeko. Halere, lehen dosia Iparraldean hartu duten Hego Euskal Herritarrek bigarren dosia hartzen ahalko dute leku berean.

Euskarazko hezkuntzaren aldeko elkarretaratzea Nafarroako Parlamentuaren aurrean ©Idoia Zabaleta / FOKU

Euskaraz ikasi nahi dutela aldarrikatzeko, dozenaka lagun bildu dira Nafarroako Parlamentuaren aurrean

Olaia L. Garaialde

Uztailaren 2an Baluarte plazatik abiatuko den manifestazioan parte hartzeko deia egin dute LAB, Steilas eta ELA sindikatuek.

Heriotza duinaren lorratzetan

«Eskubideei buruz ari gara eutanasiaren gaiaz mintzo garenean»

Berria

Eutanasiari buruzko ikus-entzunezko berezi bat egin du BERRIAk: 'Heriotza duinaren lorratzetan'. Eutanasiari berari eta legeari buruz hitz egiten du, hiru elkarrizketaturen ahotik.

Zarauzko hondartza olatu handiekin. ©Andoni Canellada/ FOKU

Bizkaiko eta Gipuzkoako kostaldea itsas mailaren igoerara egokitu nahi dute

Iñaki Agirre Perez

Klima aldaketak Hegoaldeko itsasertzean izan ditzakeen ondorioei aurre egiteko plan bat garatzen ari da Jaurlaritza, 2100erako itsas maila 80 zentimetro igo daitekeela aurreikusita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.