Noiz sortua: 2015-12-17 00:30:00

Euskara. Uema

Lankidetzan ariko dira Uema eta EHU, eta ikerketa lanak bultzatuko dituzte

Lehen aldia da Uemak eta unibertsitateak era horretako hitzarmen bat egiten dutena.

Bost urtean, hainbat plan elkarrekin egingo dituzte
Miren Segurola Uemako koordinatzailea eta Josu Labaka lehendakaria, atzo, EHUko irakasle Iñigo Urrutia eta Iñaki Agirreazkuenagarekin.
Miren Segurola Uemako koordinatzailea eta Josu Labaka lehendakaria, atzo, EHUko irakasle Iñigo Urrutia eta Iñaki Agirreazkuenagarekin. BERRIA

Garikoitz Goikoetxea -

2015eko abenduak 17
Lankidetzarako akordio bat sinatu dute Uema Udalerri Euskaldunen Mankomunitateak eta EHU Euskal Herriko Unibertsitateak. Lehenbiziko aldia da bi erakunde horiek gisa horretako hitzarmen bat izenpetzen dutena. Udalerri euskaldunek euskararen normalizazioan duten garrantzia kontuan harturik, unibertsitatearekin elkarlanean jardunda «ekarpen ezin hobea» lor daitekeela nabarmendu dute bi erakundeek. Besteak beste, hitzarmenaren bitartez, azterlanak egingo dituzte.

Akordioa atzo izenpetu zuten EHUko jarduneko errektore Fernando Plazaolak eta Uemako lehendakari Josu Labakak. Bost urterako hitzarmena egin dute, eta aukera izango dute beste lau urterako ere luzatzeko. Jarraipen batzorde bat ere osatu dute EHUk eta Uemak ?bakoitzak bi kide izango ditu batzorde horretan?; hark egingo du hitzarmenaren jarraipena, eta lankidetzarako itun zehatzen ardura ere edukiko du.

Batetik, ikerketa lanak izango ditu ardatz hitzarmenak: azterlanak egiteko lankidetzan arituko dira, eta jardunaldiak antolatzen ere bai. Bestetik, prestakuntza: EHUko adituek laguntza teknikoa eta juridikoa emango diete Uemari eta mankomunitateko herriei; haiek, berriz, praktikak egiteko aukera emango diete unibertsitateko ikasleei. Hirugarrenik, euskararen erabilera sustatzeko jarduerak bultzatzea erabaki dute akordio horren bitartez.

Ikasleak eta idazkariak

Lehen urterako dituzten bi asmo zehatzen berri eman du Uemak. Batetik, EHUko ikasleek udalerri euskaldunetan «azterketa soziolinguistiko zehatzak» egitea; azken urteetan kezka gero eta nabariagoa da arnasgune horietan lekua galtzen ari delako euskara, ezagutza eta erabilera jaisten ari direlako. Bestetik, EHUko zuzenbide adituek prestakuntza emango diete herri euskaldunetako udal idazkariei; aldatu egin dituzte Herri Administrazioen Araubide Juridikoaren eta Administrazio Prozedura Erkidearen legeak aurten, eta lege zaharraren aldean indarrean diren arauek zer berritasun dituzten azalduko diete.

Beste proiektu batzuk ere badira. Jarraipen batzordeak erabakiko du ildoak zein izango diren.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna