Noiz sortua: 2019-01-25 00:30:00

LAB hazi da gehien Hegoaldean azken 24 urteetan

Sindikatu abertzaleek ordezkarien %54 lortu dituzte Hegoaldean. Gipuzkoan, Bizkaian eta Araban bigarren da LAB

Izaskun Garcia eta Garbiñe Aranburu, atzo, LABen egoitzan.
Izaskun Garcia eta Garbiñe Aranburu, atzo, LABen egoitzan. MARISOL RAMIREZ / FOKU Tamaina handiagoan ikusi

Lander Muñagorri Garmendia -

2019ko urtarrilak 25

Araba, Bizkai. eta Gipuzkoako bigarren sindikatua da LAB. Orain arte lehia estua izan du CCOOrekin, eta, urterik urte tartea txikituz joan ondoren, azken hauteskunde sindikaletan bigarren postuan egonkortu da LAB, ordezkarien %19,1 lortuta. «Gure helburu historikoa lortu dugu», zioen atzo Garbiñe Aranburu LABeko idazkari nagusiak. Oraindik ez dago hauteskundeetako epe trinkoko datu ofizialik, baina sindikatuak orain arte bildutako datuekin atera ditu ondorio horiek. «Ez da aldaketa handirik egongo, edozein modutan». (jarraitu irakurtzen grafikoaren ondoren)


Lortutako emaitzekin gustura zegoen Aranburu, eta azken hilabeteetan indartu duten ekintza sindikalak bere emaitzak eman dituela esan zuen. «Borroka horretan sakondu beharra daukagu». Baina 1994. urtetik gehien hazi den sindikatua ere bada. Urte horretan erregularizatu ziren hauteskunde sindikalak egun ezagutzen diren bezala, eta, orduko datuekin alderatuz gero, Hego Euskal Herrian 1.200 ordezkari gehiago lortu ditu LABek. Lau puntuko gorakada, hain zuzen. Azken lau urteetan ere gehien hazi den sindikatua ere bada.

Gehiengoak aldatzen ari dira, gainera, eta hori hobekien Nafarroan irudikatzen da. Sindikatu abertzaleek euren maximo historikoak lortu dituzte hauteskunde hauetan: ELAk ordezkarien %22,7 lortu ditu, eta LABek %16,2. Duela lau urte baino 1,18 eta 2,5 puntu gehiago, hurrenez hurren. UGT, ordea, bere minimo historikoan dago: %25,2an. Hego Euskal Herrian ere berdin, ELAk eta LABek inoizko ordezkaritza handiena dute, eta, kontrara, UGTk inoizko txikiena.

Horren guztiaren eraginez, Hegoaldean sindikatu abertzaleek inoiz lortu duten ordezkaritza mailarik handiena lortu dute, hautatutako ordezkarien ia %55 eskuratuta. UGT eta CCOO, ordea, %34,5era iristen dira. Nafarroan, gainera, historikoki izan duten gehiengoa galdu dute bi sindikatu horiek, eta %49,2ko ordezkaritzara jaitsi dira. Abertzaleek, berriz, ia %39koa. Araban, Bizkaian eta Gipuzkoan, berriz, betiko lepotik burua: ordezkarien %60 ELAkoak eta LABekoak dira.

Gehiengo batzuk aldatzen ari direlako langileek mezu argia helarazi dutela esan zuen Aranburuk. «Beste era bateko sindikalismoa nahi dutela esan dute, UGTk eta CCOOk ordezkatzen duten ituneko sindikalismotik urrun». Oraintxe, gainera, sistema kapitalista auzitan jartzen duten hainbat borroka daudela esan zuen; pentsiodunen, feministen eta gazteen borrokak, esaterako. «Borroka horien indar metaketa sustatu behar dugu».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere beharrezkoa izango da maskarak erabiltzea

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Patricia Fanlo, Laura Imaz, Jose Espinoza, Marina Delgado eta Irati Ormazabal medikuak. ©IÑIGO URIZ / FOKU

Ondorioei begira

Arantxa Iraola

Erne daude medikuak, COVID-19ak pazienteetan nolako ondorioak izan ditzakeen begiratzen: lehen irudipenen berri eman du Iruñeko Ospitale Guneko sendagile talde batek

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna