Albistea entzun

BIRA

«Udismoa»

Miren Amuriza -

2018ko uztailak 25

Bizitzaren zentzua (adibidez, irailetik uztailera lanean aritzea abuztuan oporretan joateko) esplikatzen duen sinesmen eta praktika multzoa omen erlijioa; komunitate baten kosmobisioa errepresentatzen duena eta bertako kideak kategoria existentzialen batekin batzen dituena, hala nola zorionarekin. Maxima hori da, esaterako, udismoaren oinarria. Budismoarena? Ez, udismoarena. Edozein doktrinak ohi duen moduan, narratiba mitologiko oparoa dauka (o, udaleku, kontzertu, bidaia, affaire amodiozko ahaztezin hura!), baita feligresek data jakin batzuetan masan bisitatzen dituzten gune sakratuak ere (kanpin, jai-gune, aireportu, hondartzako txiringito eta beste). Iniziazio prozesuak, erritualak eta sakrifizioak (lehenengo mozkorrak, txupinazoak eta eguzki galdatan eginiko orduak); trantzeak, musika eta borondatezko zerbitzuak (siestak, «euritan dantzan, euritan dantzan» eta bilobak zaintzea). Erlijio politeista da udismoa, autoteista zehatzago esateko. Autopista? Ez, autoteista: nahitaezkoa da norbera jainko-jainkosa ahalguztidun sentitzea, nola perfume iragarkietako protagonistak. Eta zu, lagun momorro hori, hortxe, abuztu atarian pletoriko ez egoteagatik zeure burua, eten barik, justifikatu beharrean. Egizu apostasia; ez daukazu-eta bi aldiz dohakabe sentitu beharrik izozki bat jaten duzun bakoitzean orgasmo bat edukitzen ez duzulako.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...