Albistea entzun

HITZ ETZANAK

Aholkuak

Andoni Egaña -

2022ko uztailak 22

Hartzeko jertsea badaezpada, hoztu egingo duela goizaldera; polorik ez jateko, izotza baino ez direla, erosteko helatua; bero denean garondoa urez freskatzeak on egiten duela; ez uzteko etxeko argiak piztuta, ez garela Iberdueroko sozio; labeak asko jaten duela eta zartagina erabiltzeko; telebista itzali gabe lo hartzea aberatsen kontua dela...

Etxean ikasi genituen horiek. Ez daukagu gogoraraziko diguten gobernuen beharrik. Baina horretantxe ari zaizkigu. Zer jan eta edan behar dugun, gastuak nola murriztu, beroari edo hotzari nola urre egin... irakasten. Mendebaldeko gobernu hauek badute abilidade berezi hori: interbenitu behar luketen kontuetan ez dute esku hartzen, eta esku hartzea premiazkoa ez denean interbenitzen saiatzen dira, hutsalkerietan azpimarra ipiniz.

Gas horniketa arazo bihurtu den honetan, Europako Batzordeak dio begi onez ikusiko lukeela estatuek ikatzaren eta energia nuklearraren aldeko pizgarriak ematea. Ikatza bueltan. Energia nuklearra hauspotua. Hainbeste osasun aholku horrela bukatzeko? Estatu-guraso hauek, azkartzat hartzen bagaituzte, eskuak maiz garbitzea komeni dela gogoraraziko digute laster. Kokolotzat hartzen bagaituzte, berriz, pilak miaztea arriskutsua dela. Eta hartzeko aterkia, zaparrada datorrela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.