BIRA

Biziraupena

Miren Amuriza -

2018ko uztailak 21

Uztaileko astegun arratsalde batean (gurasoak lanean edo Tourreko etapa bat ikusten ari diren bitartean) igerilekurik ez dagoen herri batean umea izatea, biziraupen ariketa bat da. Hargatixe aritzen ginen gu makila eta toldo zaharrekin txabolak eraikitzen, koilara eta guzti izozkailuan edukitako Petit Suisse jelatuak miazkatzen eta Todo a cien-eko globoak urez beteta elkarri jaurtitzen; lantzean baten etxean Flipper-en, Gonnies-en filmak ikusten edo, zuzenekoak gura genituenean, nerabe bikoteei ezkutuka jarraitzen musuren bat noiz harrapatuko.

Uztaileko astegun arratsalde batean (lagunak lanean edo Tourreko etapa bat ikusten ari diren bitartean) heldua izatea, gauza bertsua da, baina Todo a cien-eko globorik barik. Irten zintezke basamortura eta 8-9 urteko ume tribu batekin topez egin adibidez, hantxe, parkeko bankuan: euretariko bat mugikorra eskuetan duela eta beste bost inguruan, begira. Alboan tobogan bat, amaraun itxurako sare handi bat, txin-txaunak... hutsik. Orduan, kolkoan daroazun Goonie txikiak bultzatuta-edo, sarea eskalatzen hastea otu zuri, hartara, umeak ere jolasera batuko direlakoan. Ordea, haiek «jota zaude» esanez bezala begiratu, bankutik altxatu eta alde egin. Badoaz eta non jabetzen zaren euretako batek, azken doanak, zerrenda zuritik zurira saltatuz zeharkatu duela zebrabidea: bada oraindik itxaropenik!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko ospitaleko osasun langileak, gaixo bat artatzen babeserako ekipamenduekin, artxiboko irudi batean. ©MARISOL RAMIREZ / FOKU

«Tentsioa» ospitaleetan

Olatz Esteban Ezkati

Beste 505 kasu atzeman dituzte Hego Euskal Herrian. Gaitza zuten zazpi pertsona hil ziren iragan astean Araban, Bizkaian eta Gipuzkoan. Zamudioko zahar etxe batean 18 positibo izan dira

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna