BIRA

Zigorgabetasuna

Miren Amuriza -

2018ko uztailak 4

Askok zuritu izan du bere burua halako edo bestelako jarrera zer edo zerk bultzatuta eduki zuela esanez. Demagun, botere posizioan dagoen norbaitek (plakadun batek, adibidez) Guardia Zibilaren tenienteorde bat entzuten duela telebistan: zenbait atxilotu sistematikoki torturatzen zituztela eta legez kontrako ekintza ugariren berri izan arren, horiek preskribatu barik egonik, beretzat gordeko dituela esaten. Demagun betikoa gertatzen dela (ezer ere ez) eta handik hiruzpalau egunera bigarren albiste bat iristen zaiola: entzutegi bat (adibidez, Nafarroakoa) beste guardia zibil bat kartzelara bueltarazi ala ez erabakitzear dagoela hura talde-bortxaketa batean parte hartzeagatik preso egon, baldintzapean libre geratu eta pasaportea berriztatzen saiatu ondoren. Demagun, orduan, gehiegikeriez jabetu eta kideez lotsatzen dela plakaduna. Edo ez: demagun gizarte-egiturarik behinenek (estatuak eta patriarkatuak) biolentzia legitimatzen dutela ondorioztatzen duela eta boterea bere erara erabiltzeko tentazioa sartzen zaiola (adibidez, kale-saltzaile bat galdekatzen ari den bitartean). Eta bere burua zuritzen duela gero, halako edo bestelako jarrera izaten zer edo zerk bultzatu zuela esanda. Modu bi baitaude norbait halako edo bestelako jarrerak edukitzera bultzatzeko: ingurukoak zerbait egitearren sarituta edo zerbait egin arren zigortu ezta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna