Albistea entzun

HITZ ETZANAK

San Andres

Andoni Egaña -

2019ko ekainak 22

Azaroaren 30era atzeratu dute. Ordurako igual San Andres bera aldaretik jaitsi eta ezkondu egingo da. Ordurako ehunka lagun hilko dira pateretan; etxean igogailua izango du urteetan jarri zain zegoenak; amona izango da norbait; lehian hasi gabe dauden arraunlariek denboraldia bukatu, atseden hartu, eta 2020ko udarako prestakuntza lanak hasiak izango dituzte; baxoa burutu berri duena unibertsitatean ibiliko da...

EAEko estatus berria zirriborratzen segitzeko bost hilabete gehiago eman dizkiete adituei. Sanandresak arte. Bestelako kontuekin ere gertatzen da, baina politikan ohiko bihurtzen ari da. Suhar hitz egin eta txingar aritu. Eta gainera orain udaldia nola datorren eta bat ez bada bestea oporretan izango den...

Oporrak hartzea ongi dago. Ongi dago ideiak eta asmoak suhartasun handiz defendatzea ere. Bi faktoreen nahasketak sortzen du halako eszeptismo kirats bat herritarrarengan. «Hil ala bizikoa da... eta irailetik aurrera buru-belarri ekingo diogu». Gisa horretako mezuak ez dira zabaltzen, baina hedatu egiten dira. Eta zuk, ikasi duzu dagoeneko funtsean datzana dekodifikatzen: norbaitentzat hil ala bizikoa bada ez daiteke irailerako utz. Eta irailerako utz badaiteke, norbait horrentzat hil ala bizikoa ez den seinale.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.