Albistea entzun

HITZ ETZANAK

Atzenduak

Andoni Egaña -

2021eko apirilak 7

Azarotik hona zer ari da gertatzen Mendebaldeko Saharan? Gurean, etxebizitzen alokairuaren salneurriak gora egin al du? Zer gertatzen ari da Myanmarren? Bidenen eskua antzematen al da dagoeneko Etxe Zurian? Zenbat preso daude Espainian? Zenbat Frantzian? Zenbat hurbildu dituzte, eta nora? Eutanasiari buruzko lege onartu berriak eraginik izan al du bi asteotan Espainian? Zenbat langile dago lanik gabe? Zubietako erraustegiari buruzko auziak ze puntutan daude une honetan? Bularreko minbizidunen kopuruak gora egin al du? Etxegabetzeen auzia nola doa? Dopaketa kasu entzutetsurik izan al da kirolean? Brexit-aren eragina antzematen hasi al da? Zer da Euskaltelen usain txarreko zera hau?

Urtebete luze honetan jakinminaren fokuak aldatu egin dira. Guztiok ere arduratu gara ze udalerri zegoen gorrian, zein den kutsatu kopuru handieneko zonaldea, ze txertaketa proporzio daramagun... jakiten. Eta atzendu egin ditugu bestelako kontuak, haiek ere bene-benetako arazo.

Albiste on bat: nonbaitetik oholak maneiatu, adarren batzuk aurkitu, sastrakaren batzuk bildu… eta umeek etxe-inguruko arboladietan txabolak egiten segitzen dute. Ikusi berri ditut —burbuila bereko batzuk— lantegi horretan. Munduak, naturak, jolaserako grinak... aurrera darraite.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.