Albistea entzun

HITZ ETZANAK

Soldaduska

Andoni Egaña -

2022ko uztailak 8

Gure inguruan gero eta haur gutxiago jaiotzen dira. Datuek hala diote. Iaz jo zuen hondoa jaiotza kopuruak. (1975ean, orain Erkidego den honetan, 39.646 haur jaio ziren, esaterako; iaz, 14.257). Aldi berean, gero eta urte gehiagoz bizitzeko ohitura hartu dugu nonbait, edo, zehazki esanda, gero eta zaharrago hiltzekoa. Ez baita gauza bera. Kontuak kontu, bi faktoreak aintzat hartuta, ez dago aditua izan beharrik gure gizartea zahartzen ari dela konturatzeko.

Etorkizun hurbilera begira, isolamendua eta bakardadea dira aurreikus daitezkeen arriskuak. Bakarrik bizi den pertsona edadetu asko; seme-alabarik gabeak edo seme-alabak urrun dituztenak; edo gertu izan arren eguneroko lanaren martxan itoak. Eredu aldaketak premiazkoak dira. Eta ideiak ere bai. Berri bat Javier Yanguas Aubixa Fundaziokoari irakurri diogu: «Politikariei eskatuko nieke abian jar dezatela zaintzen soldaduska». Jontxo! «Funtzionario izan nahi duena edo bekaren bat eskatzen duena zaintza lanak egitera behartuko nuke bolada batez. Zaintzak, zaurgarritasuna hurbiletik ezagutzeak, izaerari eragiten dio».

Armen ordez pixoihalak eskuetan eta desfileak makuluen pausajean. Bada irudia irribarre bat sortzeko adina. Ideia ona da. Behartu beharra da seinale txarra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...