BIRA

Kargu hartzea

Onintza Enbeita -

2019ko ekainak 15
Ez dira gauza bera kargu hartzea eta kargua hartzea. Gaur, alkate eta zinegotziek kargua hartuko dute. Karguak emango dizkie zenbait pribilegio, baina batez ere ardura: herria hobetzeko ardura. Eta herria hobetzea ez da bakarrik erreka bazterreko pasealekuan farolak jartzea. Herria hobetzea da kultur programazio koherentea eta duina egitea. Eta herria hobetzea da edozein desberdintasun funtzional duen edozein pertsonarentzat ere erosoa izatea herri hori. Eta herria hobetzea da zaintzarako sareak osatzea, eta herria hobetzea da eskola txukun bat izatea edo jendea elkartzeko guneak sortzea. Herria hobetzea da bertan bizi direnen kezkak entzun eta jasotzea, nahiz eta guztientzat erantzunik ez izan. Adibide asko daude herria hobetzeko, eta lelo batekin edo bestearekin horixe egin ziguten zin gaur kargua hartuko dutenek.

Eta guri dagokigu kargurik izan ez eta, hala ere, alkate eta zinegotziei kargu hartzea: ea esan digutena betetzen ari diren, ea paperean jarri zutena errealitatean egiten ari diren. Ahalegintzen ari direla ikusi behintzat! Hauteskunde zerrendetan joan zirenei dagokie kargua hartzea, eta besteoi, haien lanari kargu hartzea. Hutsuneetatik borondate oneko kritikak eginez herri hobea egitea errazagoa da: kargudunek eta kargu hartzaileek batera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna