HITZ ETZANAK

Datuak

Andoni Egaña -

2018ko uztailak 31
Kalkulatzailea bazara, eta ni banaiz, gehienean aurkituko duzu neurgailuren bat zure nahiak eta argudioak defendatzen lagunduko dizuna. Gustatzen zait txirrindularitza, euskalduna naiz eta erdi harro nago. Nahi nuen euskal txirrindulariek Frantziako Tour ona egitea. Hala egin dutela frogatzeko, duela hiru-lau egun begiratu nion sailkapenari eta berretsi nuen nire nahia eta egia bat zetozela. Lau euskal txirrindulari hogeita bost lehenengoetan! Frantziak adina; Kolonbiak baino bi gehiago; bi gehiago Britania Handiak baino; Italiak baino bi gehiago; Alemaniak baino hiru gehiago eta Espainiak halako lau!

Banekien neure buruari tranpa txiki bat egiten ari nintzela. Komenentziara jarri nuen muga hogeita bostean. Hogeian jarri izan banu, euskal txirrindulari bakarra zenbatu ahal izango nuen. Eta berrogeita hamarrean jarrita, euskaldun baino frantziar askoz gehiago azalduko litzaizkidake, esaterako. Baina tranpa txiki horiek egiten gaituzte zoriontsu, tranpa ere badirela ahanztea lortzen badugu behintzat.

Okerrena da hedabide batek nik neure buruari egin nion tranpatxo bera egin duela eta argitara eman, tranpatxotik ere baduela azaldu gabe. Zer ez ote digute egiten ekonomia datuekin, lanik ezarenarekin, istripuenekin, gaixotasun datuekin...!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna