HITZ ETZANAK

Erdira jo

Andoni Egaña -

2019ko maiatzak 2
Elorrio ikusi edo txakurraren sala-ren moduko esamoldeak galtzen hasi ginen garaitsu berean hasi ginen gazteleratik zetozen berriak ikasten. Moskeatu, eskakeatu, entxufatuta egon... eta gisa horretako esamoldeak aitaren batean egin genituen gure.

Egia da esamolde horien adiera ez zela guztiz sustraitua eta bakarra, eta denbora gutxian ezagutu dugula adieren aldaketa. Moskeatu-k ez zuen haserretu esan nahi hasiera hartan. Esan nahi zuen zerbaiti usain txarra hartu eta atezuan jarri. Eta eskakeatzea ez zen lan bati ihes egite soila. Zen, soldadutzan, lan handiago batera bidal zintzaten baino lehen, askoz ere txikiago bati heltzea, alferrikakoa bazen ere, eta haren aitzakian handiagoaz libratzea.

Kontzentratu zer zen ikasi genuen lehenik. Jarduera bati ekin aurretik behar den buru egoera egokia lortzea. Zentratu etorri zen gero. Eta horixe da nonbait PPko buruzagitzak azken porrotaren ondoren Pablo Casadori eman dion agindua. Zentratzeko, alegia. Baina nago ez duela ongi ulertuko hitzaren esanahia. Egingo duela erdirantz jotzeko ahalegin axala. Eta zentratu-k beti esan nahi izan du hartzeko arnasa eta tenplea eta sakontzeko moduan prestatzeko. Hilabete barru, erdira jotzen hasi eta izkinaren batetik eroriko da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna