HITZ ETZANAK

Kontzertinak

Andoni Egaña -

2019ko maiatzak 4
Ez dakit zein den hitz hori gaur goizean nire garunean katigatu izanaren arrazoia. Ez du albiste batek ekarri. Are gehiago: jabetu naiz ditxosozko hitza ez dudala entzun aspaldian, eta, entzun izan badut, oharkabean pasatu zaidala.

Hitz batzuk badira ikasten zailak. Segur aski, hotsa eta esanahia elkarrengandik urruti sumatzen ditugulako. Egingo nuke oraintxe bertan edonori galdetu «nola zuten ba izena, Ceutan eta Melillan etorkinik sar ez zedin ipini zituzten alanbre-txarrantxa borobildu haiek?» eta askok eta askok ez lukeela asmatuko bote lasterrean erantzuten. Kontzertina hitzaren hotsak musikara gehiago garamatza, min emateko asmaturiko deabru-inbentu hartara baino. (Hitzak eta hitzen hotsak. Sasitan sartzeak ez du ematen hainbesterainoko beldurrik; larrartean sartuz gero, urraturik gabe ez zarela irtengo badakizu).

Duela hamalau urte jarri zituen kontzertinak Rodriguez Zapateroren gobernuak. Duela urtebete Pedro Sanchezek Espainiako presidentetza hartu zuelarik, kendu egingo zituela agindu zuen. Grande-Marlaskak berretsi egin zuen nahia, urte honen hasieran. Kenduta al daude kontzertinak? Autoaren Inspekzio Teknikoa non-nola pasatuko kezkaturik gabiltzan gizaki apalok ez dugu jakin ez baiezkorik ez ezezkorik...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna