Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

HITZ ETZANAK

Herrena

Andoni Egaña -

2019ko ekainak 6

Gu ume ginela Franco zaharra zen. Baina kostatzen ari zitzaion hiltzea. Orduko umeon kantu-antzerkien artean bat bagenuen gustukoa, betiere ezkutuan burutu beharrak eransten baitzion xarma. Antzerki modura kantatzen genuen, gutariko bat Francorena eginez hormaren kontra jarrita isilik, eta besteak kantuan —«Ahí lo tienes mírale arrimado a la pared...»— hatzaz hura seinalatuz lehenengo —«Patxikito ha ganado la gerra, gerra...»— eta eskua sudur-puntara eramanda burlaizez tururú eginez bukaeran.

Infanteria, Errusia, abiazioa eta Gibraltarko harkaitza aipatzen genituen gero, esanahia ongi ulertu gabe. Baina abesti-antzerkiaren bukaeran grazia handia egiten zigun hormaren kontrako Franco hura burumakur eta herrenka —«allá va, allá va, allá va con la pata chula... patzun, patzun, patzun»— ezkutatzeak.

Umoreak ez du balio mundua aldatzeko, baina aldatu ezin dela ohartzen zarenerako ukendu ezin hobea da. Umorez hartu beharko dugu oraingoa ere. Joan zen abuztuaren bukaeran onartu zuen Espainiako Gobernuak Francoren gorpua ohorezko toki batetik arruntagora aldatzea. Bederatzi hilabete. Pertsonok deus ez izatetik argia ikustera ematen dugun denbora gainditu du Francoren gorpuaren temak. Orain ulertzen dut herrenarena zergatik kantatzen genion...

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.