HITZ ETZANAK

Orinala

Andoni Egaña -

2019ko urriak 12
«Ikaragarri ondo eman ziguten». Edo ez. Baina gerraurreko urteetan edo gerra sasoian jaiotako haiek adinean aurrera joan eta noizean behin etxetik kanpora otorduren bat egiten zutenean, bueltakoan xehe-mehe emango zizuten jan-edandakoen berri. Zer jan zuten sarreran, zer gero, ondoren zer eta zer otorduburuko. Harritu egiten ninduen hain xehe kontatu behar horrek. Bi plazer biltzen zituzten: jatearena eta kontatzearena. Gu «ondo eta punto»-ren belaunaldikoak ginen, gutxi-gehiago umetatik nahi genuena eskura samar izaten ohituak, eta etxetik kanpora otordu gehiago eginak, jan-edanei buruzko azalpenetan ez ginen luzatuko.

Beste belaunaldi bat iritsi da gerora. Kontatu beharrik ez dutenena. Jo eta ma geratu nintzen lagun kuadrilla bat afaltzera joan eta zerbitu berri ziguten platerekoari taldeko batek argazkia atera zion lehen aldi hartan. Ez zen platerekoan pentsatzen ari. Eta okerragoa: kamera mihi, ez zuen menuaren kontaketa egitearen plazeraz —esajerazioaz, gezur txikiez, nahi dena azaldu eta komeni dena gorde...— inoiz gozatuko.

Urak bere bidea egiten du eta ez urak bakarrik. Pentsatzekoa zen. Ikusi dut argazki bat gurasoek bidalia, bi urte eskaseko haur baten orinaleko lehen mokordoarena ere. Txalo, txalo! Originala zen. Orinala.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna