Noiz sortua: 2019-11-06 00:30:00

HITZ ETZANAK

Mendizaleak

Andoni Egaña -

2019ko azaroak 6

Aspaldi hasi ginen abesti hura kantatzen. Segur aski, Argoitia anai-arrebek disko batean grabatu eta berehala. Bagenekien beste mila abesti, baina hura zen egokienetarikoa gure mendi-irteera eta txangoetarako. Egiten ari ginen huraxe kontatzen zuen modu alaian, ginena, gure nortasuna tinkatuz. «Ikusi mendizaleak, baso eta zelaiak... Gu, euskaldunak gara, Euskal Herrikoak!».

Ez dakit kantuak berak izan zuen ezkutaldiren bat edo geu izan ginen mendi-irteera eta txangoak egiteari utzi genionak. Hamarkada batzuen buruan, espero ez genuen tokian aurkitu genuen berriz. Gure kirolguneetako harmailak ziren orain, bestelako erritmo batez, aho betean kantuz ari zirenak. «Gora, gora... Euskal Herria!». Kantautoreen garaia bizi izan genuen; rockarena; triki-poparena; skarena... eta ikusi mendizaleak beti hor.

Auskalo hizkuntza bakoitzean zenbat aldiz aldatu izan dioten letra Aita gurea-ri. (Leizarragak hika egiten zion Jainkoari, esaterako). Realaren ereserkia ere aldatu egin dute, «aurrera mutilak!»-en ordez «aurrera Reala!» jarriz. Nik, kantuaren ezagutza eta arrakasta maila aintzat hartuta, ikusi mendizaleak-en ordez begira mendizaleak jartzea pozik hartuko nuke. Ez dakit zergatik. Senak agintzen dit. Adimenaren seigarren martxak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna