HITZ ETZANAK

Zabaldu

Andoni Egaña -

2020ko urriak 30

Soto batean lizunak janda dagoen liburua baino gauza tristeagorik ez da. Onartu beharra dago, azken berrogei urtean, gure hurbileneko erakundeek —udalek gehienean, mankomunitateek gerora— lan handia egin dutela tokian tokikoaren ezagutza indartu dadin. Herriko natur, euskara, historia, mendizale… elkarteekin batera argitalpen ugari burutu izan dira, bakoitzak geurea hobeto ezagutu dezagun. Baina egin eta argitaratzen asmatu duten neurri berean ez dutela zabaltzen asmatu, esango nuke. Stock armairu deitzen zion kultura mota honi nire adiskide batek…

Oraintxe da unea, bada, galdu-gordean zeuden liburu horiek lau haizeetara hedatzekoa. Udalerrira mugatu gaituztenez, balia dezagun aukera gure herriko kale eta errepideak ez ezik, estrata eta gurdi-bideak ere ezagutzeko; baserrien izenak ikasteko; landaredia identifikatzeko; hizkera, noiz-non-zein erabili taxutzeko; herriko historia eta istorioak ezagutu eta kontatzeko.

Punta Canara joaten betilerik mugitu gabe asmatzen dugu. Baina norbaitek Nekazabal baserrira bidaliko bagintu enkargu bat egitera, sorbaldak harrotuko genituzke, ezjakin; sinergia hitzak zer esan nahi duen guztiok jakin uste dugun bitartean, gurean alikotia zeri deitzen zitzaion inor gutxik du gogoan…

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.