Albistea entzun

HITZ ETZANAK

Malkoak

Andoni Egaña -

2021eko urriak 26

Zientziak hartu du hauspotu bat azken pandemia honen iritsierarekin. Kudeaketa lanetan politikariak eta enparauak sumatu ditugunean, gehienok egin dugu zientziaren alde. «Zaudete isilik behingoagatik, eta utzi lanean dakitenei!» askotan pentsatu dugula esango nuke.

Hedabideak ere erakarri egin ditu zientziazaletasunak, eta lehen baino gehiagotan argitaratzen dira zientziari loturiko artikulu eta albisteak. Horrela jakin ahal izan dugu badela euskal biobanku bat, non gordetzen diren gernu, odol, azazkal, ile, giltzurrun... Gaixotasunei buruz gehiago jakiteak gaixoa hobeto artatzeko balio dezake. Edo gaitzari berari aurrea hartzeko. Badu bai, bere garrantzia, Euskal Biobankuak.

Baina zenbaitek —zientzia ulergaitz askotan— aisa egiten dugu poesiara ihes. Euskal Biobankuan ez dela malkorik gordetzen jakiteak sortu digu zirrara. Ikerketaren baterako behar direnean propio eskatzen zaizkio malkoak emaileari. Eskatu ere, inor gutxik eskatzen omen du malkorik. Azken hamar urtean hiru eskakizun baino ez. Eta nago, Euskal Biobankuan malkoek egon behar luketela, inon egotekotan. Noiz-nola-zergatik sortu ziren jakiteak etorkizunerako mesede handia egingo liguke. Eta gainera, aspertu naiz errelato hitza edonon topatzeaz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.