Albistea entzun

HITZ ETZANAK

Antiojoak

Andoni Egaña -

2022ko azaroak 22

Jardina korrika gurutzatu eta etxe atarira salatari iritsi da aita bankariaren umea: «Aita, aita! Kalean gizon antiojodun batek emakume bati kartera nola lapurtu dion ikusi dut!». Aitaren erantzuna: «Eta zer du txarretik antiojoak janzteak? Jakin behar zenuke batzuek besteek baino bista txarragoa izaten dutela eta horregatik ez direla besteak baino gutxiago. Ez zenieke sekula iseka egin behar zure ikasgelako ume antiojodunei».

Bakoitzak komeni zaion lekuan kokatzen du begirada. Eta askotan, parekoa umetzat hartzen dugunean batik bat, despiste ariketa bat baino ez da izaten begirada onberaren hori. Pare bat adibide izan ditugu azken egunotan. FIFAko presidente Gianni Infantinok horixe egin zuen Munduko Futbol Txapelketa Qatarren jokatzea zuritzeko: europarrok ere hiru mila urte daramatzagu bidegabekeriak egiten; niri ere iseka egiten zidaten eskolan ilegorria eta migranteen semea nintzelako; hitza emango diot nire idazkariari homosexuala dela aitor dezan... Gauza bertsua egin dute COP27aren ostean munduko agintari ahaltsuenek. Herrialde aberatsenek pobreenei laguntzeko konpromisoari baiezkoa eman diote. Nork nori eta ze zerga motaren bidez, hori ez dute zehaztu.

Antiojoetan kokatzen dute begirada propio, lapurretak ahantzi ditzagun.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...