Albistea entzun

HITZ ETZANAK

Urkamendikoak

Andoni Egaña -

2022ko abenduak 6

Xabier Kaltzakortari entzun genion joan zen astean, urkamendiko bertsoei buruzko hitzaldi bat eskaintzen ari zela. Kontatzen ari zitzaigun, urkamendi ingurura nola herritar asko eta asko hurbiltzen zen. Esaterako, sei mila lagun bildu ziren Azpeitian, 1900. urtean, Jose Tejeria aiarra nola urkatzen zuten ikustera.

Bertso paperak barra-barra saltzen zituztela kontatu zigun. Eta aitek semeak eramaten zituztela —amak eta alabak etxean geratuko zirela pentsatzekoa da— gaizkilea nola urkatzen zuten ikustera, bizitzan okerreko bideren bat hartuz gero, eskarmentua zeinen bortitza izan zitekeen umetatik ikas zezaten. Erabateko isiltasuna sumatzen omen zen borreroak urkatuarekikoak egin artean. Eta orduan hots bat barreiatzen omen zen plazako jendearen artean, pla!, pla!, pla!, pla!... Ez zen errezo hotsa. Ez zen txalo hotsa ere. Zen aitek semeei ematen zizkieten kokotekoen soinua. Pla! umeak larruazalean senti zezan egiazko mina eta ez zezan inoiz tentaziorik izan galbidean sartzeko.

Eusko Jaurlaritzako Osasun Sailari eta Osakidetzari dagokienez, duela bi urteko txalo hots haiek kokoteko soinu bihurtzen ari direla esango nuke. Herritarron kokotekoak, eta osasungintzako profesionalenak. Hori dakar erabakiak beti oso goitik behera hartzeak...

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.