Albistea entzun

HITZ ETZANAK

Ukatuz

Andoni Egaña -

2021eko martxoak 2

Azken urtebete honetan askotan entzun dugun hitza da: negazionistak. Aisa ulertu-uste eta nekez zehaztu daitekeen hitz horietako bat gehiago. Definizioak esango digu negazionismoa dela pertsonen joera bat errealitateari uko egiten diona, egia mingarri bati ihes egin asmoz; zientifikoki froga daitekeen errealitate bati bizkarra ematea dela. Ez dakit. Ez da hain erraza. Negazionistak ez du definizio horren baitan kokatuko bere burua…

Darwinen teoriak, holokaustoak, hiesak, klima aldaketak… bakoitzak bere negazionista taldea izan du aurrean. Zer komeni, huraxe sinetsi. Horrek eragiten du maiz negazionismoa. Arrazoi ideologikoak, erlijiosoak, kulturalak…

Eta pertsonalak. Huskeriei erreparatzeko dudan joera ezin dut erantzi. Jabetu naiz pandemia honekiko Espainian negazionisten ahots-irudi izan direnak adin-tarte jakin batekoak direla. Miguel Bosék, 64 urte. Ouka Leelek, 63. Victoria Abrilek, 61. Alaskak, 57 urte. Noizbait olatu gainean, eta azkenaldian sarriagotan uhinpean zebiltzanak. Izan daiteke berriz ur-azalera azaldu nahia. Baina uste dut sakonagoko zerbait dela. Luzitzeko zaharregi, gazteegi etsitzeko, norbere gainbeheraren errua zerbaiti egotzi behar zaio. Ahal bada zerbait larriari. Eta beti, askatasunaren izenean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna