Albistea entzun

HITZ ETZANAK

Zuria

Andoni Egaña -

2022ko irailak 14

Ez zen ongi sentitzen talde hartan. Hura ez zen bere lekua. Zuria zen bera eta ohitua zegoen pribilegio batzuetara eta lagunarte jakin batera. Orain zuena baino lagunarte maila jasokoagora, alegia. Erabili egin zutela sentitzen zuen. Amu gisan erabili, hain zuzen ere.

Begiratzen zuen aldamenetara, eta ezohiko lagunak sumatzen zituen: galletak, marmelada, makarroiak, komuneko papera, lixiba... Bera ez zegoen jendarte horretara ohitua. Lehengo lagunak ez ziren inondik ageri. Non sartu zen okela? Non galdu arraina? Non zebiltzan fruta eta barazkiak? Ez zegoen batere gustura saskikide berriekin. Zuria zen bera. Txokolate zuri tableta bat. Begirunea zor zitzaion! Eta sartu ez zuten, ba, euro bana baino balio ez zuten marka zuriko gainerako produktu mordo batekin batera saskian! Halako umiliaziorik ez jasatearren gauza zen gauez, ezkutuan, saskitik jauzi egin eta ihes joateko.

Espainiako Gobernuak zenbait jaki eta produkturen salneurrian esku hartzen hasiko dela esan orduko, saltoki erraldoiak erreakzionatzen hasi dira. Carrefourrek euro banako hogeita hamar produkturekin saski bat osatu du. Eskueran daukazu. Ez duzu han okelarik edo barazkirik aurkituko, baina bai zuku, espageti, irin... eta ihes egitea lortu ez badu, txokolate zurizko tableta bat ere!

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.