BIRA

Berehalakotasuna

Miren Amuriza -

2018ko uztailak 5

Uzten ari naiz. Badakit lagun bat baino gehiago galduko dudana, baina e-mailei, txioei, WhatsAppeko, Telegrameko mezuei segituan erantzuteari uzten ari naiz. Hasi tonto-tonto egin nintzen, mezuren bat jaso eta hogei, hamar, bost segundora erantzuten; txioak eta e-mailak ordenagailutik (etxetik), mugikorretik gainontzekoak. Ordea, ingurukoen erritmoari jarraitu ezin nionez, Twitterra eta Outlooka ere telefonoan jartzea otu zitzaidan; probatzearren, badakizue. Eta halaxe hasi nintzen, nengoen lekuan nengoela, lantzean jakinarazpen bati erantzuten (hamar minuturik behin konektatzera iritsiko nintzen nire garairik onenetan). Halaxe, egoera kontrolpean neukalakoan, harik eta gisako ohiturarik ez daukatenek (jende adinduak eta umeek) txarto begiratzen zidatela konturatu nintzen arte. Neure burua, igande arratsalde batean, amonareneko komuneko tazaren gainera igota (estaldura hartzeko) e-mail bat bidaltzen harrapatu nuen arte, egiari zor.

Harrezkero debekatuta daukat urgentziazko mezuei eta deiei ez beste guztiei segituan erantzutea (iristen zaizkidan gehienei, alegia; hain inportantea ere ez naiz-eta); neuk erantzutea eta ingurukoei berehala erantzun diezadaten eskatzea ere bai, noski... Eta hemen nabil orain, jakinarazpenei begiratzeko tentazioa sartzen zaidan bakoitzean txikleak, tripak jaten.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna