Albistea entzun

BIRA

Terrorista

Onintza Enbeita -

2021eko maiatzak 18

Ez dakit Palestinari buruz esatekorik gelditzen zaigun dagoeneko. Egoera beltza da; oso beltza. Izan ere, munduaren zati handi batek nahiago du beste aldera begiratu. Israelek egiten duena egiten duela, munduko potentzia guztiak isildu egiten dira. Nik esan dezakedan guztia erakutsi dute honezkero irudiek: etxegabetuak, faxista inkontrolatuak kaleak hartzen, kazetarien egoitza suntsituak, ume hilak... Israel eta Palestina parean jartzen dituen edonork daki indar orekarik ez dagoela bien artean. Okupatuek dena daukate galtzeko, duintasuna izan ezik. Mapan gero eta leku txikiagoa dute; ezin diete honezkero lur askorik lapurtu. Giza eskubideen defendatzaile sutsu askok, ordea, berdin salatzen du batzuen indarkeria eta besteena. Batzuen irudiko, gatazka batean ardura bera dute okupatzaileek eta okupatuek, eta nik hori ezin dut ulertu. Zure herria okupatzen badute eta miseriara kondenatzen bazaituzte, zeure burua defendatzeko eskubidea gutxienez geldituko zaizu, ezta?

Egun ez dago indar orekarik Palestinaren eta Israelen artean. Batzuk genozidio betean ari direnean, munduak albo batera begiratzen du, eta besteek euren burua defendatzen dutenean, munduak terrorismoa ikusten du. Ez dago munduko potentzia handiak baino terrorista handiagorik, ordea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.