Albistea entzun

BIRA

Umeen zaintza

Onintza Enbeita -

2022ko ekainak 21

Umeek oporrak hartuko dituzte gaur. Nigandik hurbil daudenak nekatuta sumatzen ditut. Joan den asteko beroekin koloreak gorrituta iristen ziren etxera. Irailetik hona, duten guztia eman dute eskolan. Umeek elkar ezagutzen dute eskolan, eta taldean funtzionatzeko arauez, lidergoez... jabetzen dira. Eta hori dena lan astuna da.

Ez dakit zenbat aldiz entzun dudan asteburu honetan umeak hobeto daudela eskolan oporretan baino. Sutan jartzen naiz. Umeek ere merezi dute deskantsua. Badakit ez dela erraza umeak oporretan eta gurasoak lanean daudenean bizitza bideratzea, baina hori ez da umeen errua. Umeak ekartzera animatzen gaituzte eta ez digute inolako erraztasunik ematen haien zaintzaz arduratzeko. Gure belaunaldiari gurasoak esplotatzea leporatu zaio, baina askok ez dute beste aukerarik eduki. Izan ere, norbere soldata miserablea zati prekariotan banatzea ez da konponbidea. Ez behintzat gure umeak zaintzeko prest dagoenari ondo ordaindu nahi badiogu. Kontua da gure prekaritatea, gehiegizko kontsumoa, lan jardun amaigabeak, kontziliaziorako aukera urriak... ez direla umeen ardura. Beraz, umeak oporretan baino hobeto eskolan daudela esan ordez, esan dezagun gure ardura dela umeen zaintza bezain gauza oinarrizkoa ganoraz egitea ahalbidetzen ez duen sistema hau iraultzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...