Noiz sortua: 2019-05-21 00:30:00

HITZ ETZANAK

Errepikatu

Andoni Egaña -

2019ko maiatzak 21

Ikusiko dituzu neska-mutilen batzuk kalean helduz inguraturik eta ez dagokien janzkera batekin, eta orduan konturatuko zara Lehen-jaunartzeen igandeetariko bat dela. Erruki punttu batez begiratuko diezu jolasean gustura arituko eta arropatan eta jarreratan inoiz baino lotuago sumatzen dituzun haur horiei. Sinismenak bakoitzak ditu bereak, eta «ni ez naiz nor zure etxean sartzeko» hura etorriko zaizu burura ezer kritikatzen hasi baino lehen.

Baina gure hau ez da besteak bezalako herria. Hemen, bada hizkuntza talka bat. Eta aspalditxotik burutzen dira herri askotan bi Lehen-jaunartze igande. Euskarazkoentzat bata eta gaztelerazkoentzat bestea.

Beti ez zen izango, eta aukera egin ahal izatea ez dago gaizki. Umorearen iturburu emankorrenetako bat da, ordea, kontu transzendenteak eta egunerokoak gurutzatzen diren hori. Irudikatzen dut ume bat, bere jaunartze igandean gaizki portatu delako hurrengo igandean jaunartzea errepikatzera behartua. Eta elizako simitarioan gurasoak, estu, apaizari esanez errepikatu egin behar duela haurrak, EGAren pareko zerbait baduela euskaraz, baina gazteleraz dakiela frogatuko duen agiririk ez duela... Eta apaizak sartzeko lasai. Ez zeukatela zertan joan ere. Orain Internetez egin daitekeela dena...

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna