HITZ ETZANAK

Galdetegia

Andoni Egaña -

2019ko uztailak 6
Guk ere izan genuen irakasle birtualen bat... Banekien Althusserren ikasle izan zela, baina ez nion jatorririk ezagutzen; ez nion orain arte aurpegirik jartzen, eta haren izenak zalantzarako tarte urria uzten bazuen ere, generorik ere ez. Juan Mari Arregik azken Argia-n idatziriko zutabea irakurriz jakin dut duela bi-hiru aste hil zela.

Marta Harnecker, gure lehen irakasle birtuala. Ez hamasei-hamazazpi urterekin bere libururen bat irentsi genuelako bakarrik, bestela irakasle birtual asko geneukake eta. Irakasle eta birtual izan genuen batik bat, bere libururik ezagunenaren —Materialismo historikoaren oinarrizko kontzeptuak— argitalpen batzuetan, azken orrialdeetan, galdetegi bat zetorrelako. Eta galdetegi hari erantzun egin behar izaten zitzaiolako, lezioa hartuko zizun zu baino zaharrago eta argiagoren baten aurrean edo zeure burua epaile bakar.

Ez dut gogoan jaunartzerako ikasitako ia deus. Auto-eskolan ikasitako testak ere erabat lausotu zaizkit. Baina Marta Harneckerren liburuko galdetegiari berrogei urte gerora ere aski ongi erantzungo niokeela uste dut. Egungo jendarte likido honetan hankak non oinarritua zor diot idazle txiletarrari. Deituko didazue zaharkitu, deituko didazue ortodoxo, deituko didazue... nahi duzuena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna