Albistea entzun

HITZ ETZANAK

Sindrome bi

Andoni Egaña -

2021eko irailak 23

Graziella Magherini psikiatra italiarrak jarri zion izena, duela berrogei urte pasatxo. Ia berrehun urte jo zuen atzera izena hautatzeko: Sthendalen sindromea. Idazle frantziarrak 1817an Italiara egin zuen bisitaldi batean gertatu zitzaiona idatzirik utzi zuen. Florentziako Gurutze Santuaren basilikan zebilela, artelan ederren pilaketak bere onetik aterarazi zuen. Bihotz-taupadak bizkortu zitzaizkion; bertigoa sentitu zuen; dardara eragin zion zirrarak... Edertasun gaindosiak sor dezakeen ondoeza berak azaldu zuen estreinakoz. Gerora, Graziella Magherinik Florentzian bertan baieztatu ahal izan zuenez, ehunka izan dira sintoma bertsuak jasan izan dituzten pertsonak...

Eztanda sindromea deituko diogu Guggenheim museoko garbitzaileek azken urteetan sentitu dutenari. Leher eginda bukatzen zuten lan-eguna; bihotz-taupadek bizkortzera egiten zuten nabarmen, makurtu eta komun-zuloak garbitzean; bertigoa sentitzen zuten asteburuetarako ordutegia noiz-nori tokatuko zitzaion jakin behar zutenean; dardara, nomina betixuhurra eskuratzean. Ederra kuxidadea!

Eztanda sindromeak badu ezaugarri bat, Sthendalen sindromeak ez duena. Ez da pitokeriatan ibiltzen. Barrurantz bezala daki kanporantz lehertzen. Horregatik daude greban.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.