Albistea entzun

HITZ ETZANAK

Kakalarri

Andoni Egaña -

2022ko maiatzak 17

Adiskide batek egin zidan proposamena, eta ez nuen asmatu ezetz esaten. Hitzaldi bat, EHUren Elbira Zipitria eraikinean, Aulas de la experiencia-Esperientziaren gelak izeneko kurtso baten baitan. Gaia: euskal kultura. «Hori bai: gazteleraz izan beharko dik. Denek ez zekitek euskaraz».

Ohikoa baino gehiago kosta zitzaidan hitzaldia prestatzea. Euskaraz etorri egiten zaidana, gazteleraz ekarri egin behar izaten dut. Joan nintzen. Gogo onez joan ere. 60-90 urte bitarteko hogeita hamarren bat ikasle, jakin-mina akuilu. Nahiz hitzaldia gazteleraz eman, neure burua euskaraz aurkezteko premia sentitu nuen. Minutu erdi bat gehienez. Ekin nion: «Andoni Egaña naiz, zarauztarra. Hirurogei urte ditut. Bertsotatik atera izan dut bizimod...». Bederatzi segundo pasatzerako, gizonezko batek eskua altxa zuen. Ez zekiela banekien, baina han bazirela euskaraz ez zekitenak, eten zidan jarduna, gazteleraz.

Ez nintzen gogotxartu. Baina ematen du zer pentsatua. Duda egiten dut neure buruaren aurkezpena ingelesez hasi izan banu etengo ninduen. Pazientziaz jokatuko zuen eta tipo jantzitzat hartuko nindukeen segur aski. Baina euskarak, beste hainbat gauzaren artean, hori ere sortzen du nonbait ez dakitenengan: kakalarria, ezinegona...

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...