Albistea entzun

HITZ ETZANAK

Ehuneko bia

Andoni Egaña -

2022ko uztailak 15

Bazen gure herrian enpresari bat, baserritar jatorrikoa, negozio bat jarri eta arrakasta handia izan zuena. Harritu egin ziren ingurukoak, gizon hark ez baitzuen ikasketarik ez formakuntza berezirik. Galdetu egin zioten behin ea halako arrakasta nola arraio lortu zuen. «Den-denari ehuneko bia erantsita». Are gehiago harritu ziren adiskideak erantzunarekin. «Ehuneko bia?». «Bai, jauna! Ehun balio duenarengatik berrehun kobratuta!».

Ez da baserritik bizi direnen kasua. Lehen ere ez zebiltzan erraz, eta ekoizpen kostuen garestitzeak kinka larrian ipini ditu, produktuen —esneak batik bat— prezioak ez baitu neurri berean gora egin. Beraientzat ez behintzat. Esanguratsuak iruditu zaizkit Xabier Iraola, Enbako koordinatzailearen hitzak: «Errentagarritasuna katebegi denek lortzen dute; lehenengoentzat, baina, ez dago. Atzean da beti abeltzaina». Ekoizlearengandik kontsumitzailearengana, katebegi asko. Bitartekari gehiegi. Eta katebegi bat ahulen. Premiazkoena.

Ekonomiari buruzko teoria handiek hau nola azaltzen duten ez dakit. Ibrahima Baldek, Miña-n-en, komertziora dedikatzeko bihotz txikikoa izan beharra dagoela kontatu zigun, hori ez dela arazo bat, dohaina dela, baina ez guztiok dugun bertutea. Akaso, apurka ikasi egiten dela hori ere…

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...