Albistea entzun

BIRA

Astelehena

Onintza Enbeita -

2022ko urriak 28

Aste honetan dozena bat aldiz (edo gehiagotan) azaldu dut zergatik ez dudan astelehenean posturik jarriko Gernikako Azokan. Gehienei kosta egiten zaie ulertzea. Normala da: paperaren gainean, inguruko baserritarrak aberastuko garen eguna da. Jendetza etorriko da Gernikara, dena da zelofana eta baserriaren aldeko aldarria. Kontua da benetan ez dugula gauza handirik saltzen. Gure betiko bezeroentzat jai eguna izaten da, eta kanpotik datozenek parrandarako gogoa izaten dute. Beraz, ekonomikoki ez da egun egokia. Sinbolikoki eta politikoki ere ez, ordea. Asteleheneroko azokak ez du leku berezirik izaten egun horretan. Gu betiko lekuan egoten gara, herriaren erdigunea postu dotorez beteta dagoen bitartean. Egun hori ez da xumeontzat; gauza handiak erakusteko eguna izaten da. Orduan, ni ez naiz erabat eroso sentitzen. Gustatuko litzaidake Urriko Azken Astelehenean benetako protagonismoa izatea baserritarrek eta gure betiko bezeroek. Negu gogorrean, haizea azokaren zirrikitu guztietatik sartzen denean, porruak erostera etortzen den jendearen iritzia kontuan izan behar lukete parafernalia antolatzen dutenek. Azal dezatela zergatik nahi duten azoka mantentzea eta zergatik den garrantzitsua agro-ekologia. Ondo pasatu Urriko Azken Astelehenean, dena den.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - Berria Taldeko lehendakaria / Martxelo Otamendi - BERRIAko zuzendaria

Iaz Berria Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.