Albistea entzun

HITZ ETZANAK

Istripua

Andoni Egaña -

2022ko azaroak 18

Lanpostutik kaleratutako 11.000 lagun izugarri da. Baina Silicon Valley urrun geratzen zaigu. Elon Muskek enpresa erosi berriko langileei zuzendu dizkien hitzek ia oka hasteko gogoa sortzen dute. Konpromisoa eskatzen die, erabateko dedikazioa, intentsitate handian ordu asko sartzeko gaitasuna. Gero eta lehiakorragoa den mundu batean bizi garenez, ezinbestekoa omen da hori. Bestela... ostikada eta kale gorria.

Min ordea, min, 11.000 urrunekok baino handiagoa ematen du gertuko bakarrak. Konpromisoa, dedikazioa, intentsitate handian ordu asko, lan-baldintzak auskalo nolakoak... eta istripua. Barañaingo langile bat hil da Doneztebe inguruan errepidean lanean ari zela. LAB sindikatuak salatu duenez, gorpua bertan zela, lanean segi omen zuten handik 100 metrora. Lankideek txoko batera alde egin eta negar egiteko aukerarik ez; etxera deitu eta «ni ondo nago. Berehalaxe naiz hor» esateko modurik ez; bat-batean asanblada bat antolatzeko erarik ez...

Konpromisoa, dedikazioa, intentsitatea, erlojuak baino ordu gehiago sartzea eta abarrak oso ongi daude norbere buruari ezarritakoak direnean. Baina norbere buruari bakarrik. Besteri hori eskatu behar badiozu, oso azkarra ez zaren seinale. Edo bai. Oso-oso azkarra zara. Baina azkarra bakarrik ez.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.