Albistea entzun

HITZ ETZANAK

Elastikoa

Andoni Egaña -

2022ko abenduak 2

Sumatzen dituzu argentinarrak, oihuka, kantuan, biraoka, Jainkoari eskerrak emanez edo bizitza madarikatuz, pantaila bati so, taldean, Argentinan bertan edo munduko edozein hiritan bilduta; gauza bera brasildarrekin; edo australiarrekin, nahiz hauen sua ez den hain su. Galestarrak ere sumatu dituzu Munduko Futbol Txapelketa dela eta euren nortasunaren erakustaldiak eskainiz. Horrelakoetan, pentsamenduak etorkizunera egiten dizu ihes. Gure selekziorik bagenu, benetakoa, ofiziala alegia, guk ere asmatuko genuke horrela biltzen, poztu edo mintzen? Asmatu nahi izango genuke? Hunkituko ginateke ereserkia entzutean? Ereserkia egungo erkidegoko gatz handirik gabeko hori izango litzateke ala beste bat, berria? Elastiko berdearekin irtengo ginateke kalera, ikurrinak eskuetan? Ikusiko dute horrelakorik gure begiek?

Ez dakit. Orain-oraingoz ezetz esango nuke. Tentsio falta handia sumatzen dut denean. Ezerk axola handirik ez baligu bezala gabiltza. Tentsioa ez da luzaroan jasangarri; baina eza antzua da. Eta ez naiz futbolaz edo kirolaz soilik ari. Gure garun-mihietan ere sumatzen da tentsio falta hori. Euskara bihurtu da askorentzat beste hizkuntza bat gehiago. Eta hor ez dugu elastikoa jokatzen; hor gure larruazalari ari gara atzamarka.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.